قازاقستاندا قىرعىزستاننان كەلەتىن ءسۇت ونىمدەرىنە تىيىم سالىندى، دەپ جازادى Qamshy.kz اقپارات اگەنتتىگى. بۇل تۋرالى ق ر اقپارات جانە كوممۋنيكاسيا مينيسترلىگى حابارلايدى.

مينيسترلىكتىڭ حابارلاۋىنشا، بۇگىندە مەملەكەتتىك شەكارانىڭ قازاق-قىرعىز بولىگىن باقىلاۋ جوسپارلى تۇردە جۇزەگە اسىپ جاتىر. باقىلاۋ «سۇر يمپورت» اۋماعىن قىسقارتۋ ماقساتىندا  ەەق زاڭناماسىنىڭ اياسىندا جۇرگىزىلۋدە.

ونىڭ ۇستىنە 10 قازاندا قازاق-قىرعىز شەكاراسىندا ۆەتەرينارلىق باقىلاۋ كۇشەيتىلگەن. قازىرگى تاڭدا شەكارانىڭ 6 ۆەتەرينارلىق پۋنكتىندە 32 ينسپەكتور قىزمەت اتقارادى.

«بۇگىندە بەس قىرعىزستاندىق ءسۇت ءوندىرۋ كاسىپورىندارىنىڭ ونىمدەرىن قازاقستانعا يمپورتتاۋعا تىيىم سالىندى. سەبەبى كاسىپورىنداردىڭ ينسپەكسياسى مەن يمورتتىق ونىمدەردىڭ مونيتورنگىن بۇزۋ بۇدان بۇرىن انىقتالعان. ەكى قىرعىزستاندىق كاسىپورىندارعا قاتىستى زەرتحانالىق باقىلاۋ كۇشەيدى»، - دەلىنگەن حابارلامادا.

13 قازاندا «قاراسۋ» بەكەتىندە ۆەتەريناريالىق سەرتيفيكاتتى راسىمدەۋ كەزىندە بۇزۋشىلىقتارى انىقتالعان ازىق تۇلىك تاۋارلارى بار كولىك ۇستالدى. ناتيجەسىندە، 226،9 مىڭ تەڭگە كولەمىندە ايىپپۇل سالىنىپ، جۇك كولىگى كەرى قايتارىلدى.

قىرعىز رەسپۋبليكاسىنىڭ ۆەتەرينارلىق جانە فيتوسانيتارلىق قاۋىپسىزدىك مەملەكەتتىك ينسپەكسياسىنىڭ ديرەكتورى قالىم جۇماقانوۆتىڭ ايتۋىنشا، قازاقستاندا  28 وتاندىق كاسىپورىننىڭ ءونىمىن يمپورتتاۋعا قۇقىعى بار، ونىڭ 15ء-ى ءسۇت ونىمدەرى. الايدا جۇماقانوۆ تىيىم سالىنۋ تۋرالى اقپاراتتان حابارسىز بولىپ شىقتى.