Thomson Reuters Foundation قايىرىمدىلىق ۇيىمى ايەلدەر ءۇشىن ءقاۋىپسىز ەلدەر ءتىزىمىن جاريالاعان. بۇل تۋرالى Qamshy.kz اقپارات اگەنتتىگى BBC-گە سىلتەمە بەرىپ حابارلايدى.
الەمدەگى ەڭ ءقاۋىپتى قالالار ءتىزىمىن باستاپ تۇرعان كاير قالاسى. ال ماسكەۋ بولسا، كەرىسىنشە بۇل ءتىزىمنىڭ سوڭىنا جايعاسىپ، ەڭ ءقاۋىپسىز قالا اتانعان. اتالعان رەيتينگ ساراپشىلاردىڭ ساۋالناماسىنا نەگىزدەلىپ جاسالعان. قالالاردى باعالاۋ كەزىندە سەكسۋالدى زومبىلىق، مەديسينالىق قىزمەتتەر مەن ەكونوميكالىق مۇمكىندىكتەر، ونىڭ ىشىندە ءبىلىم الۋعا مۇمكىندىكتەر جانە ت.ب كريتەرييلەر ەسەپكە الىنعان. سونىمەن بىرگە ءتۇرلى سالت-داستۇرلەر مەن قىزداردى ەركىنەن تىس كۇيەۋگە بەرۋ، قىزداردى سۇندەتتەۋ سىندى جورالار مەن سەنىمدەردىڭ تارالۋ ماسەلەسى دە قاراستىرىلعان.
ۇلىبريتانيا استاناسى لوندون دا ايەلدەر ءۇشىن ءقاۋىپسىز قالالاردىڭ تىزىمىندە دەنساۋلىق ساقتاۋ مەن ەكونوميكالىق مۇمكىندىكتەر كريتەريلەرى بويىنشا ءبىرىنشى ورىنعا شىققان.
