ۇستىمىزدەگى جىلدىڭ 3 قاراشاسىندا قاراعاندى وبلىسى ساتپايەۆ قالاسىنىڭ ش.دىلدەبايەۆ اتىنداعى «كەنشىلەر» سارايىندا ساعات تاڭعى 10.00-دە «تەكتى ءسوزدىڭ تورەسى- تەرمە» رەسپۋبليكالىق جىرشى-تەرمەشىلەر بايقاۋى وتەدى،- دەپ حابارلايدى Qamshy.kz اقپارات اگەنتتىگى.

قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011 - 2020 جىلدارعا ارنالعان مەملەكەتتىك باعدارلاماسى اياسىندا «تەكتى ءسوزدىڭ تورەسى- تەرمە» رەسپۋبليكالىق جىرشى-تەرمەشىلەر بايقاۋىن وتكىزەدى.

اتالعان بايقاۋعا ەلىمىزدىڭ 14 وبلىسىنان جانە استانا، الماتى قالالارىنان ءبىر ۇمىتكەردەن قاتىسىپ، ءوز باقتارىن سىنايتىن بولادى.

بايقاۋدا تانىمال جىرشى-تەرمەشىلەر، ءداستۇرلى انشىلەر، ەسترادا جۇلدىزدارى ونەر كورسەتەدى.