ق ر ۇلتتىق بانكىنىڭ ءتوراعاسى دانيار اقىشيەۆ ق ر ۇكىمەتى وتىرىسىندا تەڭگەنىڭ بولاشاعى جايلى ايتىپ بەردى،-دەپ Qamshy.kz اقپارات اگەنتتىگى قازاقپاراتقا سۇيەنە وتىرىپ جازادى.

«ىشكى ۆاليۋتا نارىعى سوڭعى ايلاردا وتە قۇبىلمالى بولعانى بەلگىلى. بۇل ءبىرىنشى كەزەكتە الىپساتارلىق فاكتورمەن بايلانىستى بولدى. الايدا جاعداي ءبىرشاما تۇراقتانىپ كەلەدى. ورتا مەرزىمدى پرەسپەكتيۆادا ۇلتتىق ۆاليۋتانىڭ باعامىن انىقتايتىن ىرگەلى فاكتورلار تەڭگە باعامىنىڭ كۇشەيۋىنە اكەلىپ وتىر»، - دەدى اقىشيەۆ.

ول بەلگىلى بەر كەزەڭدە شەتەلدىك ۆاليۋتانىڭ تاپشىلىعى كەزىندە ۇلتتىق بانك ۇلتتىق ۆاليۋتانى ساتقانىن اتاپ ءوتتى. «ق ر ۇلتتىق بانكىنىڭ التىن ۆاليۋتالىق رەزەرۆتەرى 10،2%-عا ارتىپ، 33 ملرد اقش دوللارىن قۇرادى. ق ر ۇلتتىق قورىنىڭ ۆاليۋتالىق اكتيۆتەرى 57 ملرد اقش دوللارىنا جەتتى. جالپى حالىقارالىق رەزەرۆتەر 89 ملرد اقش دوللارى بولدى»، - دەدى ۇلتتىق بانك باسشىسى. ونىڭ ايتۋىنشا، حالىق اراسىندا اقشاسىن دوللارمەن ساقتايتىنداردىڭ قاتارى ازايىپ كەلەدى. «ۇلتتىق ۆاليۋتا اقشا ساقتاۋدىڭ قۇرالى رەتىندە تانىمال قۇرال بولىپ وتىر. جىل باسىنان بەرى تەڭگە دەپوزيتتەرى 6%-عا ارتقانى بەلگىلى بولدى»، - دەدى اقىشيەۆ.