قازاقستان پرەزيدەنتى نۇرسۇلتان نازاربايەۆ قىرعىزستان پرەزيدەنتتىگىنە كانديدات سوورونباي جەەنبەكوۆتى پرەزيدەنت بولىپ سايلانۋىمەن قۇتتىقتاپ، جەدەلحات جولدادى دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساي وتىرىپ.
نازاربايەۆ جەەنبەكوۆ باسقاراتىن قىرعىزستاننىڭ جاڭا تابىستارعا جەتەتىنىنە سەنىم ءبىلدىردى.
«مەن قازاقستان مەن قىرعىزستان اراسىنداعى ءوزارا ىنتىماقتاستىققا قۇرىلعان قارىم-قاتىناستىڭ بۇدان ارى دا ەكى ەل يگىلى ءۇشىن دامي بەرەتىنىنە سەنىمدىمىن. سىزگە جاۋاپكەرشىلىك جۇكتەلەتىن مەملەكەتتىك قىزمەتتە دەنساۋلىق جانە تابىس، ال باۋىرلاس قىرعىز حالقىنا اشىق اسپان جانە اماندىق تىلەيمىن» دەلىنگەن جەدەلحاتتا.
ەسكە سالا كەتەيىك سوورونباي جەەنبەكوۆ 15 قازاندا وتكەن پرەزيدەنت سايلاۋىندا 54 پايىزدان استام داۋىس جينادى. ونىڭ باستى قارسىلاسى ومۋربەك بابانوۆ سايلاۋشىلاردىڭ 34 پايىزعا جۋىق داۋسىن يەلەندى.
