«استانا» حالىقارالىق قارجى ورتالىعى

ەحرو 2017 مۇراسىن كورمەدەن كەيىن پايدالانۋ بويىنشا نەگىزگى باعىتتاردىڭ ءبىرى – «استانا» حالىقارالىق قارجى ورتالىعىن (احقو) قۇرۋ. ول اعىلشىن قۇقىعى قاعيدالارىنا نەگىزدەلىپ، جەڭىلدىگى بار سالىق ءتارتىبى مەن تاۋەلسىز قارجى سوتىنا يە بولادى. «استانا» حالىقارالىق قارجى ورتالىعى قازاقستاننىڭ قارجى ينفراقۇرىلىمىنىڭ وزەگىنە اينالىپ، بۇكىل ورتالىق ازيا ءوڭىرىنىڭ قارجىلىق حابى بولماق. بۇل تۋرالى Qamshy.kz اقپارات اگەنتتىگى 24.kz-كە سۇيەنە وتىرىپ جازادى.

ءبىلىم بەرۋ ورتالىعى

«Job World» – «ادام رەسۋرستارىن دامىتۋ بويىنشا ءبىلىم بەرۋ ورتالىعى» – الەمنىڭ (وڭتۇستىك كورەيا، اقش) ۇزدىك تاجىريبەلەرى بويىنشا جۇمىس ىستەيدى. جوبا جاسوسپىرىمدەرگە جوعارى تەحنولوگيالى سالالارداعى ماماندىقتاردى تاڭداۋعا كومەكتەسەدى، سونداي-اق كاسىبي داعدىلارعا ماشىقتاپ، ولاردى شىنايى ومىردە قولدانۋعا ۇيرەتەدى. ورتالىقتىڭ ۇرانى – «ارماندا جانە ىسكە اسىر».

كورمە كەشەنى

كورمە كەشەنى جۇمىسىندا ەحرو 2017ء-نىڭ بىرەگەي تاجىريبەسى، ىڭعايلى كولىك-لوگيستيكالىق ينفراقۇرىلىمى جانە كاسىبي قىزمەتكەرلەرى نەگىزگە الىنادى. مادەني جانە ىسكەرلىك شارالار كونگرەسس-ورتالىعى مەن ەنەرگيا حولىندا عانا ەمەس، كورمە كەشەنىندە دە وتكىزىلەتىن بولادى.

IT-تەحنوپاركى

حالىقارالىق IT-تەحنوپاركى IT-يندۋسترياسى سالاسىنىڭ ماماندارى مەن ينۆەستورلارىن تارتۋعا ارنالعان قازاقستانداعى العاشقى باسەكەگە قابىلەتتى الاڭ قۇرۋعا مۇمكىندىك بەرەدى. وندا ستارتاپتارعا جانە الەم مويىنداعان «ويىنشىلارعا» ارنالعان يننوۆاسيالىق ەكوجۇيە قاراستىرىلعان. بولاشاقتا قازاقستانداعى IT-تەحنوپاركى ورتالىق ازياداعى جوعارى تەحنولوگيالاردىڭ گەنەراتورى بولا الادى.

جاسىل تەحنولوگيالار ورتالىعى

جاسىل تەحنولوگيالار مەن ينۆەستيسيالىق جوبالاردى دامىتۋ بويىنشا حالىقارالىق ورتالىقتى قۇرۋ يدەياسىن ق ر پرەزيدەنتى ن. نازاربايەۆ بۇۇ باس اسسامبلەياسىندا ايتقان بولاتىن. بۇل ورتالىق جاسىل تەحنولوگيالار، يننوۆاسيالار مەن الەمدىك دەڭگەيدەگى تەحنولوگيالار ترانسفەرتىن ازىرلەۋ مەن ەنگىزۋ بويىنشا حالىقارالىق حابقا اينالادى.

ەنەرگيا حولى

ەنەرگيا حولى رەسمي جانە ارنايى ءىس-شارالاردى وتكىزۋ ورنى رەتىندە پايدالىنىلادى. كورمە كەشەنى اۋماعىندا ورنالاسقان عيماراتتىڭ زالى 868 كورەرمەنگە ارنالعان. ەنەرگيا حولىندا «The Great Gatsby ballet» قويىلىمى، «ارتيست» كينوكونسەرتى، «Jazzia» فەستيۆالى، «The Spirit of Tengri»، «Magic of Nomads» جانە ت.ب. الەمدىك دەڭگەيدەگى شارالار ءوتتى.

«نۇر الەم» پاۆيلونى

«نۇر الەم» – الەم بويىنشا سفەرا ءپىشىندى جالعىز عيمارات، ونىڭ ديامەترى 80 م قۇرايدى. «نۇر الەم» پاۆيلونى – قۇرىلىمى بىرەگەي جانە ەلەكتر ەنەرگياسىن ءوندىرۋ تەحنولوگياسى ايرىقشا نىسان، سونداي-اق «بولاشاق ەنەرگياسى» عيماراتىنىڭ ءمىنسىز ۇلگىسى. نىساننىڭ ءبىرىنشى قاباتىندا قازاقستاننىڭ ۇلتتىق پاۆيلونى ورنالاسسا، 2-8 قاباتتارى ەنەرگيانىڭ الۋان ءتۇرىن پاش ەتۋگە ارنالدى. ەندى ەحرو 2017 نەگىزگى نىسانى مۇراجاي رەتىندە ەسىگىن ايقارا اشادى. كونگرەسس-ورتالىعى بۇل نىسان اۋقىمدى مادەني جانە ىسكەرلىك شارالاردى وتكىزۋگە ارنالعان قازاقستانداعى ەڭ ءىرى جانە كوپفۋنكسيونالدى عيمارات. وندا الەم مەملەكەتتەرىنىڭ باسشىلارى قاتىسقان ەحرو 2017 كورمەسىنىڭ اشىلۋ جانە جابىلۋ سالتاناتى وتكىزىلگەن بولاتىن.

كونگرەسس-ورتالىعى

بۇل نىسان اۋقىمدى مادەني جانە ىسكەرلىك شارالاردى وتكىزۋگە ارنالعان قازاقستانداعى ەڭ ءىرى جانە كوپفۋنكسيونالدى عيمارات. وندا الەم مەملەكەتتەرىنىڭ باسشىلارى قاتىسقان ەحرو 2017 كورمەسىنىڭ اشىلۋ جانە جابىلۋ سالتاناتى وتكىزىلگەن بولاتىن. كونگرەسس-ورتالىعى حالىقارالىق كونفەرەنسيالار، سيمپوزيۋمدار، قويىلىمدار، كونسەرتتەر مەن رەسمي ءىس-شارالار وتكىزۋگە ىڭعايلى. كونگرەسس-ورتالىعىنا 3500 ادام سىيادى.

ارت-ورتالىعى

ارت-ورتالىعى زاماناۋي ونەر سالاسىنداعى تىڭ يدەيالار مەن ديسكۋرستاردى زەرتتەۋگە باعىتتالعان. ونىڭ نەگىزگى ەكى مىندەتى – ونەرگە باۋلۋ جانە ءبىلىم بەرۋ.