قازاقستاندا اسكەريلەر، ىشكى ىستەر ورگاندارىنىڭ قىزمەتكەرلەرى مەن دەپۋتاتتاردىڭ ەڭبەكاقىسىن كوتەرۋگە 2017 جىلى 33،1 ميلليارد تەڭگە قاراستىرىلدى. بۇل تۋرالى قارجى ءمينيسترى باقىت سۇلتانوۆ مالىمدەدى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ. 

مينيستر باياندامادا رەسپۋبليكالىق بيۋدجەتتىڭ 2017 جىلعى شىعىنى 11 تريلليون 191،5 ميلليارد تەڭگە، بۇل ناقتىلانعان جوسپاردان 15،1 ميللياردقا كوپ. 

"بيۋدجەتتىڭ شىعىندىق بولىگىنىڭ وزگەرۋى ەكى باعىتتا ءجۇردى. ءبىرىنشىسى - ەلباسىنىڭ باستامالارى مەن تاپسىرمالارىن جانە حالىقارالىق مىندەتتەردى ىسكە اسىرۋعا 89،4 ميلليارد تەڭگە. بۇل ۇكىمەت قورى مەن كىرىستى ارتتىرۋ ەسەبىنەن جۇرەدى. اسكەريلەر، قۇقىق قورعاۋ ورگاندارىنىڭ قىزمەتكەرلەرى مەن دەپۋتاتتاردىڭ ەڭبەكاقىسىن كوتەرۋگە 33،1 ميلليارد تەڭگە قاراستىرىلعان"، - دەيدى سۇلتانوۆ ۇكىمەت وتىرىسىندا. 

ونىڭ سوزىنشە، "نازاربايەۆ ۋنيۆەرسيتەتىنىڭ" ماقساتتى سالىمىن ۇلعايتۋ ءۇشىن 22،2 ميلليارد تەڭگە بولىنەدى. سونىمەن بىرگە، EXPO اۋماعىندا كورمەدەن كەيىنگى شارالار مەن كەڭسەلەردى دايارلاۋعا 20 ميلليارد تەڭگە قاراستىرىلدى.