ءاربىر ونىنشى كەنيالىق ايەل جەزوكشەلىكپەن 8-9 جاسىنان باستاپ اينالىسادى، دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساپ.

ميشەل اتتى 15 جاستاعى قىزدىڭ بۇگىندە ەكى بالاسى بار.

«مەن ءبىرىنشى بالامدى بوسانعان كەزدە 12 جاستا بولاتىنمىن. 14 جاسقا تولىپ 7 سىنىپ وقىپ جۇرگەن كەزىمنەن مەكتەپتى تاستاپ كەتتىم، سەبەبى مەنىڭ كىتاپ، مەكتەپ فورماسىن جانە تاماق ساتىپ الاتىن اقشام بولمادى. زاڭ بويىنشا، كامەلەت جاسقا تولماعان قىزدار رەسمي تۇردە جۇمىسقا ورنالاسا المايدى. ەگەر مەنىڭ جاقسى جۇمىسىم بولسا مەن ونى بارىنشا تىرىسىپ ىستەيتىن ەدىم. ماعان بىرەۋلەر تاپ بەرە مە نەمەسە سوققىعا جىعادى ما دەپ، ءتىپتى، ءولتىرىپ كەتەدى مە دەپ قاتتى قورقامىن»، - دەيدى ميشەل.

بۇگىندە كەنيا جىنىستىق قاتىناستا قىزمەت كورسەتەتىن ەلدەر اراسىندا جەتىنشى ورىندا تۇر.

كوممەرسيالىق ەمەس ۇيىم كوورديناتورى چارو يانگايدىڭ ايتۋىنشا، اتا-انالارى بالالارىنىڭ نەمەن اينالىسىپ، قالاي ءومىر ءسۇرىپ جۇرگەندەرىنە مۇلدەم باستارىن اۋىرتپايدى، ولارعا ءبارىبىر ەكەن.  «سوندىقتان دا ولار تاماق تاۋىپ كەلۋ ءۇشىن كەتىپ قالادى. 5-10 مينۋتتىق قىزمەت ءۇشىن 50 شيللينگ (0،5 دوللار). سوندىقتان دا قىزدار تاڭنان كەشكە دەيىن وسىلاي قىزمەت كورسەتىپ، جۇمىس ىستەۋگە ءماجبۇر. ولار كۇنىنە ەڭ كوپ دەگەندە 15 دوللار اقشا تابا الادى.

كەنيا حالقىنىڭ جارتىسىنان كوبىسى كەدەيلىك ءومىردى سۇرۋدە. ال جاس قىزداردىڭ كوپشىلىگى بالا تۋىپ جاتىپ كوز جۇمادى. بۇل جاعدايدى قالاي دا قالىپقا كەلتىرۋ ءۇشىن جەرگىلىكتى قورلار جىنىستىق قاتىناس كورسەتۋ ءۇشىن ءتۇرلى ساباقتار وتكىزەدى ەكەن.

14 جاستاعى تەنگا لۆودا ەسىمدى بويجەتكەن ءوزىنىڭ ءسابيىنىڭ اكەسى كىم ەكەندىگىن بىلمەيدى. اناسى كەتكەن كەزىندە ءسابي جىلاماس ءۇشىن وعان ۇيىقتاتاتىن ءدارى بەرەدى ەكەن.

بەلگىلى بولعانداي، كەنيادا 1،7 ميلليون ادام ۆيچ اۋرۋىنا شالدىققان. ولاردىڭ كوپشىلىگى 30 جاسقا جەتپەي كوز جۇمادى.