بانگلادەشتە ورنالاسقان ەڭ ءىرى لاگەر كۋتۋپالونداعى رادجۋما اتتى روحيندجالىق بوسقىن ءوز ومىرىندەگى ەڭ سۇمدىق جايتتى جىلاپ، بايانداپ بەردى، — دەپ حابارلايدى Qamshy.kz اقپارات اگەنتتىگى islamnews.ru سايتىنا سىلتەمە جاساي وتىرىپ.

رادجۋمانىڭ ايتۋى بويىنشا، وسىدان ءبىراز ۋاقىت بۇرىن راكحاين شتاتىنداعى ءوزى تۋىپ وسكەن تۋلا تۋلي اۋىلىندا بىرنەشە اسكەر كەلگەن.

«مەنىڭ قولىمدا كىشكەنتاي ءسابيىم بولعان. مەنى الگى ساربازدار ۇرعان كەزدە، ءسابيىمدى جەرگە قۇلاتىپ الدىم. بىرنەشە مينۋتتان كەيىن ەسىمدى جيسام، ولار مەنىڭ بالامدى دا ۇرىپ-سوعىپ جاتقانىن ەستىدىم»، — دەدى رادجۋما Al-Jazeera تەلەكانالىنىڭ تىلشىسىمەن سۇحبات بارىسىندا.

كىشكەنتاي 6 ايلىق ءسابيدىڭ ەسىمى ساديك. روحيندجا مۇسىلماندارى مەكەندەگەن اۋىلعا شابۋىلداعان اسكەرلەر ساديكتى اناسىنىڭ كوزىنشە وتقا تاستاي سالعان. كەيىن بىرنەشە سارباز رادجۋمانى زورلادى.

«سول ءسات مەنىڭ ءالى كۇنگە دەيىن كوز الدىمدا»، — دەدى ايەل كوز جاسىن تىيا الماي. وسى وقيعادان كەيىن رادجۋما ءبىر ۋاقىتتا اناسى، اپكەسى جانە ىنىسىنەن  ايىرىلعان.