2017 جىلدىڭ 18 قازانىندا ەلباسى نۇرسۇلتان ءابىش ۇلى نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن جانە «بولاشاققا باعدار:رۋحاني جاڭعىرۋ» اتتى ماقالاسىن جۇزەگە اسىرۋ اياسىندا الماتى قالاسىنىڭ مەدەۋ اۋدانىندا «LITTLE STEP» شاعىن ورتالىعىنىڭ اشىلۋى ءوتتى، دەپ حابارلايدى Qamshy.kz اقپارات اگەنتتىگىنىڭ ءتىلشىسى.  

ورتالىقتىڭ اشىلۋ سالتاناتىنا الماتى قالاسى مەدەۋ اۋدانىنىڭ اكىمى ە.ج.جىلقىبايەۆ، مەدەۋ اۋدانىنىڭ ءبىلىم ءبولىمىنىڭ باستىعى ا.ا.ساپاروۆا، ءبىلىم ارداگەرلەرى، زيالى قاۋىم وكىلدەرى جانە تۇرعىندار قاتىستى.

ورتالىق ديرەكتورى ىسقاقوۆا سايا سايات قىزى ورتالىقتىڭ نەگىزگى ەرەكشەلىكتەرىنە توقتالىپ ءوتتى:

 «قازاقستان پرەزيدەنتى نۇرسۇلتان ءابىش ۇلى نازاربايەۆتىڭ ءوزى اتاپ وتكەن: «ءبىلىم بەرۋ جۇيەسى ءۇش تىلدە جۇەزەگ اسىرىلۋى ءتيىس» دەپ. سوعان وراي ءبىزدىڭ ورتالىق ءۇش ءتىلدى ءبىلىم بەرۋ جۇيەسىنە نەگىزدەلگەن. ولار: قازاق ءتىلى، ورىس ءتىلى، اعىلشىن ءتىلى. «LITTLE STEP» بالالاردى دامىتۋ ورتالىعىنىڭ ەرەكشەلىگى دە وسىندا. سەبەبى قازىرگى زاماندا كەز كەلگەن بالا ءۇش ءتىلدى جەتىك مەڭگەرۋى ءتيىس. جانە بولاشاقتا ماماندىق تاڭداۋدا دا كومەگىمىز تيەدى دەپ ويلايمىن»، - دەدى سايا سايات قىزى.

شاعىن ورتالىقتىڭ وقۋ باعدارلاماسىندا بالالار كەز كەلگەن پاندە قوسىمشا ءبىلىم الا الادى. سونىمەن قوسا، بالالاردىڭ ويلاۋ جانە لوگيكالىق قابىلەتتەرىن دامىتۋ ماقساتىندا توعىزقۇمالاق جانە شاحمات ويىندارى دا جۇرىگىزىلەدى. 2 جاستان باستالعان بالالار ءۇشىن مي جانە ءتىل دامىتۋ پاندەرى وتەدى. سونداي-اق، وقۋ باعدارلاماسى «الماتى كىتاپ» باسپاسىنا نەگىزدەلگەن.

 الماتى قالاسى مەدەۋ اۋدانىنىڭ اكىمى ە. ج. جىلقىبايەۆتىڭ ايتۋىنشا، اۋداندا 3-تەن 6 جاسقا دەيىنگى بالالار ءۇشىن 2 082 ورىن جەتىسپەۋشىلىگى بايقالادى.

«وسى سىندى جەتىسپەۋشىلىكتەردى ەسكەرىپ، بىلتىرعى جىلدان باستاپ بالاباقشالاردى اشۋدى قولعا الدىق. ناتيجەسىندە 21 جەكەمەنشىك بالاباقشا اشتىق. ينۆەستيسيا كولەمى 2،4 ملرد. تەڭگەنى قۇرادى. بالاباقشالاردى سالۋ ءۇشىن بوس تۇرعان تۇرعىن ۇيلەر مەن كوتتەدجدەردى پايدالانىپ كەلدىك، كاسىپكەرلەر دە قولداۋ تانىتىپ، ينۆەستيسيا سالادى.

1 جارىم جىلدا 29 بالاباقشا اشتىق، ناتيجەسىندە بالاباقشاعا كەزەكتە تۇرعان بالالاردىڭ سانى 25%-عا قىسقاردى»، - دەدى اۋدان اكىمى.

سونداي-اق، ءبىلىم بەرۋ ساپاسى مەن تاماقتانۋ رەجيمىنە دەيىن ءجىتى باعالاناتىنىن تىلگە تيەك ەتتى. ءارى ءۇش ءتىلدى ءبىلىم بەرۋ جۇيەىسنە نەگىزدەلگەنىن ايتتى.

«بالاباقشادا 5 ۋاقىت تاماق بەرىلەدى. كەيبىر بالاباقشالاردا بالالاردى اكەلىپ، ۇيلەرىنە جەتكىزەتىن اۆتوبۋستار ۇيىمداستىرىلعان. جانە ءبىلىم بەرۋ ساپاسى، دۇرىس تاماقتانۋ، سونداي-اق قاۋىپسىزدىك جاعى دا ءجىتى باقىلانادى»، - دەدى جىلقىبايەۆ.

بۇگىندە ينۆەستورلاردىڭ ارقاسىندا مەكتەپكە دەيىنگى ۇيىمداردا اعىمداعى جىلدىڭ اۋدانداعى ورىن تاپشىلىعىن ازايتۋ ماقساتىندا 291 ورىنعا 7 مەكتەپكە دەيىنگى مەكەمەلەر اشىلدى. 469 ورىن تاپشىلىعىن ازايتۋ ماقساتىندا 12 جاڭا جەكە مەكتەپكە دەيىنگى مەكەمەلەردى اشۋ جوسپارلانىپ وتىر.

 اعىمداعى جىلى 351 ورىنعا ارنالعان 8 جەكەمەنشىك بالاباقشا جانە 105 ورىنعا ارنالعان 6 شاعىن ورتالىق اشىلدى. 150 جاڭا جۇمىس ورنى قۇرىلدى. ينىەستيسيا كولەمى 177 ملن. تەڭگەنى قۇرادى.

2017 جىلدىڭ اياعىنا دەيىن ينۆەستورلار ەسەبىنەن 6 مەكتەپكە دەيىنگى وقۋ ورتالىعىن اشۋ جوسپارلانباق.

ايتا كەتەيىك، «LITTLE STEP» ورتالىعى 80 ورىنعا ارنالعان جاڭا شاعىن ورتالىق. ينۆەستيسيا سوماسى 4 ملن. تەڭگەنى قۇرادى. ورتالىقتا 2 جاستان 14 جاسقا دەيىنگى بالالار قوسىمشا ءبىلىم الادى.

الماتى قالاسى مەدەۋ اۋدانىنىڭ اكىمى ە. جىلقىبايەۆ ءبىلىم بەرۋ ورتالىعىنىڭ ءىشىن ارالاپ، ساباق جۇرگىزىلۋ بارىسىن باقىلاپ شىقتى. ايتۋىنشا، اكىمدىك تاراپىنان باقىلاۋ ايىنا كەمىندە ءبىر رەت ءجۇرىپ تۇرادى.