ەستونيانىڭ يارۆاماا، ەلۆا جانە يىگيەۆا ايماعىنىڭ تۇرعىندارى 18 قازاندا اسپاننان قارا ءتۇستى نوسەر جاۋعانىن ايتقان. جەرگىلىكتى تۇرعىندار نوسەردىڭ ارتىنان جەردە سۇر ءتۇستى داقتار پايدا بولعانىن ايتتى،- دەپ Qamshy.kz اقپارات اگەنتتىگى Delfi سايتىنا سۇيەنە وتىرىپ جازادى.
سينوپتيكتەر مۇنداي قۇبىلىستىڭ سەبەبىن پورتۋگالياداعى ورمان ورتىمەن جانە ساحارادان جەتكەن شاڭ-توزاڭمەن بايلانىستىردى. وسىنىڭ الدىندا عانا قارا بۇلت ەستونيا كوگىنە ءۇيىرىلىپ ەدى.
تايمي پالياك ەسىمدى مەتەورولوگتىڭ ايتۋىنشا: «ءبىز عارىش سەرىكتەرى تۇسىرگەن فوتولاردان جانە فينليانديا مەتەوقىزمەتى زەرتتەۋىنەن ەستونياعا پورتۋگالياداعى ورمان ءورتىنىڭ ءتۇتىنى مەن ساحارانىڭ شاڭ-توزاڭى كەلىپ جەتكەنى دالەلدەندى».
سينوپتيكتەردىڭ بولجامىنا سۇيەنسەك، كەشكە قاراي بۇلت سەيىلىپ، اسپان اشىلادى.
