بەلگىلى ءانشى تورەعالي تورەالى Rixos Almaty قوناقۇيىندە ۇيلەنۋ تويىن دۇركىرەتىپ وتكىزگەن بولاتىن. تانىمال ءانشىنىڭ جۇبايى تۋرالى نە بىلەسىز؟ بۇل ساۋالدىڭ جاۋابىن Qamshy.kz اقپارات اگەنتتىگى kaz.tengrinews.kz cايتىنا سىلتەمە جاساپ حابارلايدى.

ءارتىستىڭ شاڭىراق قۇرعانىنا 3 جىل وتسە دە، جۇبايىنىڭ كىم ەكەنى بۇگىنگە دەيىن جاسىرىن بولىپ كەلدى. تورەعالي تورەالى سۇحباتتارىنىڭ بىرىندە بۇل جايىندا بىلاي دەپ پىكىر بىلدىرگەن ەدى: "سوزىمدە تۇردىم دەۋگە بولادى. ويتكەنى، مەن ۇيلەنۋ تويىن جاساعان كەزدە مۇقىم قازاققا جاريا قىلىپ، ايتامىن دەپ ۋادە بەرگەن ەدىم. سول ۋادەدە تۇرۋ كەرەك، جىگىتتىڭ ەكى سويلەگەنى ولگەنى. وعان ءبارى تاڭعالىپ ءجۇر. كەلىنشەگىمنىڭ ءوزى ءسويتىپ تاڭعالىپ ءجۇر ءقازىر".

ءانشىنىڭ ايەلىنىڭ ەسىمى تولقىن تۇراربەك قىزى. جۇپ قازىرگى ۋاقىتتا ەكى بالا تاربيەلەپ وتىر. ءانشىنىڭ تانىستارىنىڭ سوزىنە سەنسەك، تولقىننىڭ جاسى 25-تە. جانە ول  الماتى وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىنىڭ شىعىستانۋ فاكۋلتەتىنىڭ باكالاۆر مەن ماگيستراتۋراسىن ءتامامداعان. تورەعالي تورەالى بۇعان دەيىنگى سۇحباتتارىنىڭ بىرىندە ايەلىنە جۇمىس ىستەتپەيتىنىن ايتقان. "قوعامعا قىز بالالاردىڭ جۇمىس ىستەگەنى كەرەك شىعار. ءبىراق، ايەل ادامنىڭ ومىردەگى ەڭ باستى ماقساتى مەن مىندەتى - ۇيدە وتىرىپ نان جابۋ، بالا تابۋ. ولارعا ودان اۋىر جۇك جۇكتەمەۋ كەرەك"، - دەگەن ەدى. ەكى جاسقا باقىتتى عۇمىر تىلەيمىز!