استاناداعى حالىقارالىق اۋەجايعا 23،6 ملن تەڭگە مولشەرىندە ايىپپۇل سالىندى، دەپ حابارلايدى Qamshy.kz اقپارات اگەنتتىگى 24.kz پورتالىنىڭ مالىمەتىنە سۇيەنىپ.

 بۇل تۋرالى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ رەسمي سايتىندا جاريالاندى. ونداعى اقپاراتقا ساي، اۋەجايدىڭ بىرنەشە كەلىسىمشارت جاساۋدا زاڭسىز ارەكەتتەرگە بارعانى انىقتالعان.

اتاپ ايتقاندا، مۇناي ونىمدەرىن ساقتاۋ ءۇشىن قولدانىلاتىن ىدىستاردى جالعا الۋ شارتتارى بۇزىلعان. سونداي-اق اۆياسيادىق وتىندى ساتۋعا قاتىستى كەلىسىمدەردىڭ دە ەرەجەگە ساي ورىندالماعانى بەلگىلى بولدى. 

ايتا كەتەيىك، استانا قالاسىنىڭ اكىمشىلىك سوتى وسى جىلدىڭ تامىز ايىندا اۋەجايعا ايىپپۇل سالۋ جونىندە شەشىم شىعارعان ەدى. ال اكسيونەرلىك قوعام باسشىلارى مۇنىمەن كەلىسپەي، اپەللياسيالىق شاعىم تۇسىرگەن بولاتىن. الايدا استانا قالالىق سوتى شەشىمدى وزگەرىسسىز قالدىرىپ، اۋەجايدى اكىمشىلىك جاۋاپقا تارتۋ جونىندە شەشىم شىعاردى.