كاۆكاز مۇسىلماندار باسقارماسىنىڭ ءتوراعاسى شەيح-ۋل-يسلام اللاحشۇكىر پاشازادا باستاعان ءازىربايجان دەلەگاسياسى وزبەكستاندا «يسلام ىنتىماقتاستىعى: وزبەكستان مەن ءازىربايجان ۇلگىسى» كونفەرەنسياسىنا قاتىستى. كونفەرەنسيادا وزبەكستان پرەزيدەنتى شاۆكات ميرزيەيەۆپەن كەزدەستى، دەپ جازادى Qamshy.kz اقپارات اگەنتتىگى.

رەسپۋبليكا باسشىسى مۇنداي فورۋمدار حالىقارالىق ىنتىماقتاستىقتى كەڭەيتۋدى جانە ەتنوسارالىق كەلىسىم مەن ءدىني تولەرناتتىقتى نىعايتۋىدڭ كورسەتكىشى ەكەنىن مالىمدەدى. سونداي-اق مۇنداي قارىم-قاتىناس كونفەسسياارالىق بايلانىستى دا نىعايتا تۇسپەك.

اتالمىش كونفەرەنسيانىڭ تاعى ءبىر باستى ماقساتى – الەمدەگى شىنايى قۇندىلىقتارىن ناسيحاتتاپ، يسلامنىڭ ناقتى گۋمانيستىك ماقساتتارىن ايقىنداۋ. سونداي-اق تەرروريزم مەن ەكسترەميزمدى قوسا العاندا، بۇگىنگى قاۋىپ-قاتەرلەردىڭ الدىن الۋ.

كەزدەسۋگە قاتىسقاندار زاماناۋي قاتەرلەردى تالقىلاپ، جاھاندىق پروسەستەر مەن قاۋىپسىزدىك تاۋەكەلدەرىن باعالادى. وسى ماقساتتا تاراپتار كۇش-جىگەردى بىرىكتىرۋگە، ەتنوسارالىق كەلىسىمدى نىعايتۋعا جانە ءدىني تولەرانتتىقتى نىعايتۋعا باعىتتالعان بىرلەسكەن جۇمىستاردى ودان ءارى دامىتۋعا ءازىر ەكەندەرىن ءبىلدىردى.

قاۆكاز مۇسىلماندار باسقارماسىنىڭ ءتوراعاسى شەيح-ۋل-يسلام اللاحشۇكىر پاشازادا وزبەك باسشىسىنا وزبەك باسشىسىنا العىس ءبىلدىرىپ، ءازىربايجان باسشىسى يلحام الييەۆتىڭ ىزگى تىلەكتەرىن جەتكىزدى.