ءۇندىستان استاناسى دەلي قالاسىندا اۋانىڭ لاستانۋى قالىپتى نورمادان 15 ەسە اسىپ كەتتى. اۋا جاعدايىنىڭ كۇرت ناشارلاۋىنا ديۆالي فەستيۆالىندەگى وتشاشۋدان شىققان ءتۇتىن سەبەپ بولعان. بۇل تۋرالى ريا نوۆوستي حابارلايدى.
ديۆالي – ۇندىستەردىڭ كوشەگە شىعىپ پەتاردا مەن وتشاشۋ شاشىپ تويلايتىن مەيرامى. بيلىك جارىلعىش زاتتاردى ساتۋعا تىيىم سالعانمەن، حالىق بۇل مەيرامدى وتشاشۋمەن تويلاۋىن توقتاتار ەمەس. ءقازىر وسى جاعدايعا بايلانىستى تۇرعىندارعا ۇيدەن شىقپاۋعا كەڭەس بەرىلدى.
Air Quality Index جۇيەسىنىڭ مونيتورينگىنە سايكەس، دەليدىڭ بىرنەشە اۋدانىندا اۋانىڭ لاستانۋى 999 بىرلىكتى قۇراعان. بۇل دەگەن ءسوز اشىق اۋادا تۇرۋدىڭ ءوزى اسا ءقاۋىپتى.
