قازاقستاندىق بوكسشى گەنناديي گولوۆكيننىڭ (37-0-1، 33 كو) جاتتىقتىرۋشىسى ابەل سانچەس Boxingscene.com سايتىنا مەكسيكالىق ساۋل الۆارەسپەن (49-1-2، 34 كو) ەكىنشى ايقاسقا قاتىستى كەلىسسوزدەر جايلى ايتىپ بەردى، دەپ Qamshy.kz اقپارات اگەنتتىگى قازاقپاراتقا سىلتەمە جاساپ حابارلايدى.
«گەننادييدىڭ جەلتوقساندا نەمەسە وسى جىلدىڭ سوڭىنا دەيىن ايقاسپايتىنى انىق. ەكى تاراپ تا [Golden Boy Promotions جانە K2 Promotions] كەلىسسوزدەر جۇرگىزىپ جاتىر. ولاردىڭ وسى اپتادا كەزدەسەتىنىنە سەنىمدىمىن. كەلىسسوزدەر تاياۋ ارادا اياقتالادى دەپ ويلايمىن. مەن ءۇشىن قارىمتا جەكپە-جەك وتكىزۋگە ناعىز قولايلى ۋاقىت – 5 مامىر. «سينكو دە مايو» – بارلىق مەكسيكالىقتارعا ورتاق مەرەكە. ەگەر جەكپە-جەك مامىر ايىندا بولاتىن بولسا، وسى ۋاقىتقا دەيىن ەشكىمنىڭ ايقاسپاعانى دۇرىس - بۇل ەشكىمنىڭ جاراقات الىپ قالماۋى ءۇشىن ماڭىزدى»، - دەدى سانچەس.
