قازاقستان باس پروكۋراتۋراسى بانكير، 2004 جىلى جەلتوقساندا اڭ اۋلاۋعا شىققان كەزىندە قازا تاپقان ەرجان تاتىشيەۆتىڭ ولىمىنە قاتىستى ءىستى قايتا اشپاق دەپ حابارلايدى Qamshy.kz اقپارات اگەنتتىگى azattyq.org-قا سىلتەمە جاساي وتىرىپ.

بۇل تۋرالى شەشىم بيزنەسمەن مۇراتحان ءتوقماديدىڭ كتك تەلەارناسىنداعى "ونى مۋركا دەپ اتايتىن" دەپ اتالعان دەرەكتى فيلمىندە "بانكيردىڭ ولتىرگەنىن موينىنا الۋىنا" بايلانىستى قابىلدانعان. فيلمدە توقمادي تاتىشيەۆتى اڭعا شىققان كەزىندە "قاساقانا اتىپ ولتىرگەنىن"، ال وعان تاپسىرىستى "بانكير، وپپوزيسيالىق ساياساتكەر مۇحتار ءابليازوۆ بەرگەنىن" مالىمدەيدى.

جينالعان مالىمەتتەر (كۋاگەرلەردىڭ، كۇدىكتى مۇراتحان ءتوقماديدىڭ جاۋاپتارى، ساراپتاما قورىتىندىسى مەن باسقا دا ماتەريالدار) بويىنشا ەرجان تاتىشيەۆتىڭ قارۋدى دۇرىس ۇستاماۋدان ەمەس، باسىنا قاساقانا اتقان وقتان ولگەنىن انىقتادى. وسىعان بايلانىستى 25 قازاندا پروسەسسۋالدىق پروكۋرور قىلمىستىق-پروسەسسۋالدىق كودەكستىڭ 502 جانە 503 باپتارىنا ساي جامبىل وبلىستىق سوتىنا م.توقماديگە قاتىستى ۇكىمنىڭ كۇشىن جويۋعا نەگىز بارى تۋرالى ۇيعارىم جانە جاڭا انىقتالعان جاعداياتتارعا بايلانىستى قىلمىستىق ءىس بويىنشا ءوندىرىستى قايتا اشۋ تۋرالى تالاپ-ارىز جولدادى" دەپ حابارلادى باس پروكۋراتۋرا.

بۇعان دەيىن ىشكى ىستەر مينيسترلىگى فيلمدە ايتىلعان مالىمدەمەلەر بويىنشا تەكسەرۋ جۇرگىزەتىنىن مالىمدەگەن. توقمادي ەرجان تاتىشيەۆتىڭ ءولىمى بويىنشا "قىلمىستىق جاۋاپكەرشىلىكتەن سىتىلىپ شىعۋ ءۇشىن تەرگەۋشىگە پارا بەرگەنىن" ايتقان.