قىرعىزستاننىڭ ەكونوميكا ءمينيسترى ارتەم نوۆيكوۆ قازاقستان ەكى ەلدىڭ شەكاراسىن رەتتەۋگە ارنالعان جول كارتاسىنا قول قويۋدان باس تارتتى دەپ مالىمدەدى، - بۇل تۋرالى Qamshy.kz اقپارات اگەنتتىگى ازاتتىققا سۇيەنە وتىرىپ جازادى.
ونىڭ سوزدەرىنشە، قازاق تارابى جول كارتاسىنا قول قويعاننىڭ وزىندە شەكارا اشىلمايدى، ەركىن قوزعالىس بولمايدى دەپ مالىمدەگەن.
«بۇگىن جول كارتاسىنا قول قويۋ ءراسىمى بولمادى. ءبىز ەندى ءارى قاراي ەاەو اياسىندا جۇمىس ىستەۋگە تىرىسامىز. وسىدان كەيىن قانداي-دا ءبىر شەشىم قابىلدانادى»، - دەدى نوۆيكوۆ ەريەۆاندا وتكەن كەلىسسوزدەن كەيىن.
مينيستر مۇنى قىرعىزستاننان كەلەتىن كونتراباندامەن تۇسىندىرگەن. ءبىراق ول بۇل ماسەلە ەاەو ەلدەرىنىڭ بارىندە بار دەيدى.
18 قازاندا استانادا وتكەن كەلىسسوزدەر بارىسىندا ەكى ەلدىڭ ۇكىمەت جەتەكشىلەرى كەلەسى كۇننەن باستاپ جولاۋشى كولىكتەرى مەن جۇگى بار ادامداردى شەكارادان وتكىزۋدى جەڭىلدەتۋ تۋرالى ۋاعدالاسقان.
