الماتى وبلىسىنىڭ اكىمى اماندىق باتالوۆ الماتى وبلىسىنداعى ۇيعىر اۋدانىنىڭ اتاۋىن وزگەرتۋگە ەش نەگىز جوق ەكەنىن ايتتى، دەپ جازادى Qamshy.kz اقپارات اگەنتتىگى
ۇيعىر اۋدانىنىڭ اتاۋىن وزگەرتۋ تۋرالى ماسەلە كوتەرىلگەن جوق، ازىرگە كوتەرىلمەيدى دە. بۇعان بايلانىستى ءقازىر ءبىرتالاي ماسەلە بار، بولاشاقتا مۇمكىن كوتەرىلىپ قالار. ءبىراق ءدال ءقازىر ونداي ماسەلە جوق، — دەدى وبلىس اكىمى باتالوۆ.
ايتا كەتسەك، ۇيعىر اۋدانى – الماتى وبلىسىنىڭ وڭتۇستىك-شىعىسىندا ورنالاسقان اكىمشىلىك بولىك. الماتى وبلىسىنداعى ۇيعىر اۋدانىنىڭ اتاۋىن وزگەرتۋ تۋرالى ءسوز قوعامدا وقتىن-وقتىن ايتىلىپ قالىپ ءجۇر. ماسەلەنى كوتەرىپ جۇرگەندەردىڭ ايتۋىنشا، بۇل جەردىڭ تاريحي اتاۋى — شارىن، ۇيعىر اۋدانى دەگەن كەڭەس ۇكىمەتى تاڭعان ءسوز.
ايتا كەتەتىن بولساق، ۇيعىر اۋدانى قازاقستاندا دياسپورا اتىمەن اتالاتىن جالعىز اۋدان.
پىكىر قالدىرۋ