2 قاراشادا بەكىتىلگەن جۋرناليستەرگە قارسى قىلمىس ءۇشىن جازاسىز قالۋدى توقتاتۋدىڭ حالىقارالىق كۇنىنە وراي بۇۇ-نىڭ ارنايى بايانداماشىلارى  2017 جىلى 30 جۋرناليسكە شابۋىل جاسالعانىن مالىمدەدى. بۇل تۋرالى بۇۇ جاڭالىقتار ورتالىعى حابارلادى، دەپ جازادى، Qamshy.kz اقپارات اگەنتتىگى.

«بيىلعى جىلى الەم ماقساتتى شابۋىلداردىڭ سالدارىنان 30 جۋرناليستەن ايىرىلدى»، - دەدى بۇۇ-نىڭ سوتتان تىس ورىنداۋ جونىندەگى ارنايى بايانداماشىسى اگنەس كەلامار جانە بۇۇ-نىڭ پىكىر بوستاندىعى قۇقىعىن قورعاۋ جونىندەگى ارنايى بايانداماشىسى ديەۆيد كەي.

سپيكەرلەر ب ا ق وكىلدەرىنە جاسالعان شابۋىل دەموكراتيا نەگىزدەرىنە قول سۇعۋشىلىق ەكەنىن ايتتى. كاللامار جانە كەيدىڭ مالىمەتىنشە، شابۋىلدارعا تاپ بولاتىن جۋرناليستەر كوبىنە بيلىكتىڭ بىلىعىن اشپاق بولعان نەمەسە جەمقورلىقتى جاريا ەتپەك ماقساتتا زەرتتەۋ جۇمىستارىمەن اينالىسىپ جۇرگەندەر ەكەنى انىقتالدى.

قۇقىققورعاۋشىلار مەديا وكىلدەرىنە قاتىستى بارلىق قىلمىستىق ءىس ارەكەتتەرگە قاتىستى  تاۋەلسىز جانە ءادىل تەرگەۋدى تالاپ ەتىپ وتىر.