الماتى وبلىسىنىڭ پوليسياسى ءتارتىپ ساقشىلارىنىڭ جۇڭگو ازاماتىمەن ەرەگەسىپ جاتقان ۆيدەوسىنا بايلانىستى تۇسىنىكتەمە بەردى، دەپ جازادى Qamshy.kz اقپارات اگەنتتىگى.  

انىقتالعانداي، وقيعا 31 قازان كۇنى پانفيلوۆ اۋدانىنىڭ قورعاس اۋىلىندا بولعان. ۆيدەودا جۇڭگو ازاماتىنىڭ قازاق پوليسەيىن باسىنىپ، دورەكى سوزدەرمەن بالاعاتتاپ جاتقانىن بايقايمىز.

بۇگىندە جۇڭگو ازاماتى ۇستالىپ، پوليسەي قىزمەتكەرلەرى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 667-بابىنا سايكەس «زاڭدى تارتىپكە نەمەسە قۇقىق قورعاۋ ورگاندارىنا نەمەسە ارناۋلى مەملەكەتتىك ورگانعا باعىنباۋىنا» بايلانىستى  حاتتاما تولتىرعان.

ءىس اۋداندىق اكىمشىلىك سوتتىڭ قاراۋىنا جولداندى. 

سول كۇنى قورعاس ەلدى مەكەنىندە جەڭگەتايلىق جاسادى دەگەن كۇدىكپەن تاعى ءبىر جۇڭگو ازاماتى ۇستالدى. 

پوليسيانىڭ مالىمەتىنشە، 41 جاستاعى شەتەلدىك سولتۇستىك قازاقستاننان كەلگەن ەكى قىزدى جەزوكشەلىككە تارتقان. بۇل تۋرالى Sputnik قازاقستان حابارلادى.