2018 جىلى پحەنچاندا وتەتىن قىسقى وليمپيادا ويىندارىندا رەسەي گيمنىنە تىيىم سالىنۋى مۇمكىن. بۇل تۋرالى New York Times باسىلىمى حابارلادى، دەپ جازادى Qamshy.kz اقپارات اگەنتتىگى.
سونداي-اق رەسەيلىك سپورتشىلار دا ويىنداردىڭ اشىلۋ راسىمىنە دەيىن ەلگە كىرگىزىلمەيدى. حالىقارالىق وليمپيادا كوميتەتىنىڭ وكىلدەرى 2014 جىلى سوچيدە وتكەن وليمپيادا ويىندارىندا رەسەيلىكتەردىڭ دوپينگكە قارسى ەرەجەلەردى بۇزعانى ءۇشىن وسىنداي سانكسيا ەنگىزۋدى كوزدەپ وتىر.
رەسەي ۇلتتىق قۇراماسىن 2018 جىلعى وليمپيادا ويىندارىنا كىرگىزۋ تۋرالى شەشىم حوك اتقارۋ كوميتەتىندە جەلتوقساننىڭ باسىندا قابىلدانادى دەپ كۇتىلۋدە.
1 قاراشادا رەسەيلىك شاڭعىشىلار الەكساندر لەگكوۆا مەن ەۆگەنيا بەلوۆا دوپينگكە قارسى ەرەجەلەردى بۇزعانى ءۇشىن وليمپيادالىق ويىنداردان ءومىر بويىنا شەتتەتىلدى. سپورتشىلاردىڭ سوچيدە وتكەن وليمپيادا ويىندارىنداعى ناتيجەلەرى نولدەنەدى.
