قازاقستاندا 2018 جىلدىڭ 1 قاڭتارىنان باستاپ ازىق-تۇلىك سەبەتىنىڭ قۇرىلىمى وزگەرەدى دەپ حابارلادى استانادا وتكەن بريفينگتە ەڭبەك جانە حالىقتى الەۋمەتتىك قورعاۋ ۆيسە-مينيسترى سۆەتلانا جاقىپوۆا. ۆيسە-مينيستردىڭ سوزىنشە، 1 قاڭتاردان باستاپ ەڭ تومەنگى كۇنكورۋ دەڭگەيىنىڭ مولشەرى 24459 تەڭگەدەن 28284 تەڭگەگە (15،6 پايىز) ۇلعايادى. بۇل تۋرالى Qamshy.kz اقپارات اگەنتتىگى ازاتتىققا سۇيەنە وتىرىپ جازادى.
جاقىپوۆا كەلەسى جىلى ەڭ تومەنگى كۇنكورىستى قۇرايتىن ازىق-تۇلىك سەبەتىندە ازىق-تۇلىك بۇرىنعى 60 پايىزدان 55 پايىزعا ازايتىلىپ، ازىق-تۇلىك ەمەس تاۋارلار 40 پايىزدان 45 پايىزعا كوبەيتىلەتىنىن ايتادى.
"رەسمي ستاتيستيكا بويىنشا، حالىقتىڭ تۇتىنۋ قۇرىلىمى وزگەرگەن. حالىقتىڭ ازىق-تۇلىك ەمەس تاۋارلار مەن قىزمەت كورسەتۋگە جۇمسايتىن شىعىنى 45 پايىزدى قۇراعاندىقتان، ازىق-تۇلىك سەبەتىنىڭ قۇرىلىمىن وزگەرتۋگە شەشىم قابىلداندى. وسىلايشا، سەبەتتىڭ وزگەرۋىنەن ەڭ تومەنگى كۇنكورىس دەڭگەيىنىڭ مولشەرى 16 پايىزعا ۇلعايىپ وتىر. 33 جىل ەڭبەك ءوتىلى بار زەينەتكەرلەر 28284 تەڭگە الادى"،- دەدى سۆەتلانا جاقىپوۆا.
