مازەن ال-سەرساۆي اتتى يمامنىڭ ايتۋىنشا، زاڭسىز تۋىلعان قىز بالالار اكەسىنە ەشقانداي قاتىسى جوق، سوندىقتان، ولارعا دا باسقالارى سياقتى قاراي بەرۋگە بولادى، دەپ Qamshy.kz اقپارات اگەنتتىگى بريتاندىق تابلويد Daily Mail-گە سۇيەنە وتىرىپ جازادى.
كايردەگى سۋننيتتىك باعىتتاعى ەڭ مىقتى ال-ازحار ۋنيۆەرسيتەتىنىڭ يمامى مازەن ال-سەرساۆي كوپشىلىككە «ەركەكتەردىڭ ءوز قىزدارىمەن جىنىستىق قاتىناسقا تۇسۋىنە بولادى» دەگەن مالىمدەمەسى ءۇشىن تانىلدى. ول ءۇشىن قىز بالا نەكەسىز تۋىلعان بولۋ كەرەك. ونىڭ ويىنشا، نەكەسىز تۋىلعان قىزداردىڭ اكەسىنە ەشقانداي قاتىسى جوق.
«ەگەر ونداي ايەل ەركەكتەن جۇكتى بولىپ، بوسانسا، وندا ونىمەن بولاتىن ەركەك ءۇشىن ول حارام ەمەس»، - دەيدى يمام. بۇل مالىمدەمەسىن ول 2012 جىلدان باستاپ ايتىپ كەلەدى. ونىڭ سوزدەرى جازىلعان بەينەجازبا جەلىگە تاراپ، شەتەلدە دە كوپ رەت قارالعان.
YouTube كانالىنا جاريالانعان بەينەجازبانىڭ وتە كوپ كورىلگەنىنە قاراعاندا مازەن ال-سەرساۆي وتە تانىمال اراب ۋاعىزداۋشىسى بولسا كەرەك. ول تەلەارناعا قانشاما رەت شاقىرىلىپ، بەينەجازبالار تۇسىرگەن.
ماسكەۋ ۋنيۆەرسيتەتىنىڭ پروفەسسورى رومان سيلانتيەۆتىڭ ايتۋىنشا، مازەن ال-سەرساۆيدىڭ پىكىرى تەك وزىنە عانا تيەسىلى، سەبەبى ال-ازحار ۋنيۆەرسيتەتىنىڭ ۇستانىمى يمامنىڭ ويىنا تۇبەگەيلى كەرەعار.
«ۋنيۆەرسيتەتتە اتالمىش ماسەلەگە بايلانىستى ورتاق شەشىمنىڭ بولماۋى مۇمكىن. قانشاما جات ويلار ايتىلعانمەن، كەيبىر سەنىمدەر تولىعىمەن دۇرىس ەمەس دەپ تانىلعان جوق. ماسەلەن قازاقستاندا تىيىم سالىنعان دايش-تىڭ مىسالىندا كىشكەنتاي قىزدارعا نە بولاتىندىعىن جانە بالا ساۋداسى قالاي جۇزەگە اساتىندىعىن كوردىك. ب ا ق قۇرالدارى ال-سەرساۆيدىڭ ويىن قانشالىقتى دۇرىس جەتكىزسە دە، باسقا مەملەكەتتەر ونىڭ ايتقاندارىنا سەنبەيدى»،-دەدى سيلانتيەۆ.
قازىرگى ۋاقىتتا ەگيپەت قوعامىندا يسلامداعى ايەل ءرولى قايتا داۋعا سالىنۋدا. جاقىندا عانا نابي ال-ۆاحش ەسىمدى قورعاۋشى اشىق-شاشىق كيىنگەن ايەلدەردى، اسىرەسە، جىرتىق دجينسى سىم كيگەندەرىن زورلاۋ كەرەك دەگەن مالىمدەمە جاسادى.
ال-ۆاحشتىڭ بۇل ايتقاندارى جەرگىلىكتى ەگيپەت تەلەارنالارىنان كورسەتىلدى. ونى ەستىگەن ەگيپەتتىڭ ايەلدەر جونىندەگى ۇلتتىق كەڭەس مۇشەلەرى تەلەارناعا جانە قورعاۋشىنىڭ ءوزىن سوتقا بەرەتىندىگىن ءمالىم ەتتى. ولار تەلەارنالاردى ايەلدەر زورلىعىن كۇشەيتەتىن مالىمدەمەلەر جاسايتىن ادامداردى شىعارماۋعا شاقىردى.
