انتيسيكلوننىڭ اسەرىنە بايلانىستى قازاقستاننىڭ باسىم بولىگىندە جاۋىن-شاشىنسىز اۋا رايى كۇتىلەدى، تەك سولتۇستىك-باتىستا جانە سولتۇستىكتە جاۋىن-شاشىندى اۋا رايى بولادى دەپ حابارلايدى قازگيدرومەت. رەسپۋبليكانىڭ كەي جەرلەرىندە جەلدىڭ كۇشەيۋى، تۇمان، كوكتايعاق بولادى.
جامبىل، الماتى وبلىستارىنىڭ كەي جەرلەرىندە تۇمان بولىپ، جەل 15-23 م/س كۇشەيۋى كۇتىلەدى. شىعىس قازاقستان، اتىراۋ، ماڭعىستاۋ، قىزىلوردا وبلىستارىندا، تۇندە اقتوبە، قاراعاندى وبلىستارىنىڭ كەي جەرلەرىندە تۇمان كۇتىلەدى. اقمولا، قوستاناي، سولتۇستىك قازاقستان، پاۆلودار وبلىستارىنىڭ كەي جەرلەرىندە تۇمان، كوكتايعاق كۇتىلەدى.
