ناۋرىزباي اۋدانىندا جاڭا ينجەنەرلىك جەلىلەردىڭ ىسكە قوسىلۋى ارقاسىندا «التى الاش»، «قالقامان-2» ەلدى مەكەندەرىندىڭى جەكە سەكتورىنداعى 5 مىڭ ءۇي مەن «قالقامان-3» ىقشام اۋدانىنداعى 30 مىڭعا جۋىق تۇرعىن تازا اۋىز سۋعا يە بولدى.

«ءار ۇيگە تازا سۋىق سۋ جاڭا قۇبىرلار ارقىلى بەرىلۋدە. ءۇي يەلەرى ورتالىقتاندىرىلعان سۋ جەلىسىن پايدالانۋ ءۇشىن سۋ بولگىشكە قوسىلۋى جانە«الماتى سۋ» مكك- مەن ءتيىستى كەلىسىم جاساۋلارى قاجەت»-، دەدى الماتى قالاسىنىڭ ەنەرگەتيكا جانك كوممۋنالدى شارۋاشىلىق باسقارماسىنداعىلار.

بۇعان دەيىن اتالعان ەلدى مەكەندەردىڭ تۇرعىندارى تەحنيكالىق تالاپتار ساقتالماعان جەكە سۋ سكۆاجينالارىن جانە قولدان جاسالعان سۋ جەلىلەرىن پايدالانىپ كەلگەن ەدى. سونىڭ سالدارىنان اپاتتار ءجيى بولاتىن، ال جاز ايلارىندا سۋدى كوپ تۇتىناتىندىقتان قىسىم تومەندەپ كەتەتىن.

كەلەڭسىز جايتتاردىڭ الدىن الۋ جانە سۋىق سۋمەن تۇرعىنداردى تۇراقتى قامتاماسىز ەتۋ ءۇشىن جاڭا جەلىلەردە ناسوستى ستانسيالاردىڭ قۋاتى ارتتىرىلدى.

ورتالىق سۋ جەلىسىنە قوسىلۋ «قالقامان-3» ىقشام اۋدانىنان باستالدى، قازىرگى كەزدە مۇندا 560 جەكە ءۇي تازا سۋىق سۋدى پايدالانۋدا. ەندىگى كەزەكتە «التى الاش»، «قالقامان-2» ىقشام اۋداندارى.

«الماتى سۋ» مكك 4 مىڭعا جۋىق ءۇي يەلەرىنىڭ ورتالىقتانعان سۋ جەلىسىنە قوسىلۋ ءۇشىن قۇجاتتار تاپسىرعانىن ايتتى.

ءبىر اي ىشىندە بارلىق تۇتىنۋشىلاردىڭ قۇجاتتارى تولتىرىلادى جانە ولار جاڭا جەلىگە قوسىلادى.

مەملەكەتتىك بيۋدجەت ەسەبىنەن 209 كم جاڭا سۋ جەلىلەرىنىڭ جانە كارىزدىڭ قۇبىرلارى جۇرگىزىلدى، سونىڭ ارقاسىندا ەلدى مەكەندەردى ورتالىقتانعان سۋمەن قامتاماسىز ەتۋ جۇزەگە اسىپ وتىر.