الماتى اكىمى باۋىرجان بايبەك قۇرامىنا حالىقارالىق قارجى ۇيىمدارىنىڭ، شەتەلدىك كومپانيالار اسسوسياسيالارىنىڭ، كونسالتينگتىك جانە زاڭ كومپانيالارىنىڭ وكىلدەرى، ءىرى شەتەلدىك جانە قازاقستاندىق كاسىپكەرلەر ەنگەن ينۆەستورلار تارتۋ مەن ينۆەستيسيالىق احۋالدى جاقسارتۋ جونىندەگى كەڭەستىڭ وتىرىسىن وتكىزدى. جيىن بارىسىندا 2022 جىلعا دەيىن ينۆەستيسيا تارتۋ ستراتەگياسىنىڭ جوباسى تالقىلاندى. قۇجات ۇلتتىق ينۆەستيسيالىق ستراتەگيا مەن «الماتى-2020» دامۋ باعدارلاماسىنا ساي جاسالعان.

ينۆەستيسيا تارتۋ سالاسىنداعى اتقارىلعان ءبىرقاتار جۇمىستاردى قورىتىندىلاي كەلىپ، قالا اكىمىنىڭ ورىنباسارى الماس مادييەۆ بيىلعى جىلدىڭ 9 ايى ىشىندە ينۆەستيسيانىڭ 13%-عا ءوسىپ، 400 ملرد. تەڭگەنى قۇراعانىن، سىرتقى ينۆەستيسيانىڭ 23،5%-عا ارتقانىن، جەكە ينۆەستيسيالار ۇلەسىنىڭ 78%-عا جەتىپ، 17%-عا ۇلعايعانىن ايتتى.

«بيزنەستى دامىتۋدىڭ باستى شارتى - تۇراقتى ينفراقۇرىلىمدى قالىپتاستىرۋ. وسى ورايدا الماتىدا يندۋستريالدى ايماق جۇمىس ىستەيدى، مۇندا وڭدەۋشى ءوندىرىس ورىندارى جەڭىلدەتىلگەن دايىن ينفراقۇرىلىمداردى پايدالانا الادى. جوعارى تەحنولوگيالى كومپانيالار ءۇشىن «يننوۆاسيالىق تەحنولوگيا پاركىنىڭ ارنايى ەكونوميكالىق ايمعاى بار، مۇندا رەزيدەنتتەرگە كەدەندىك جانە سالىقتىق جەڭىلدىكتەر بەرىلەدى. الماتىدا شوب-كە جەڭىلدەتىلگەن نەسيە بەرۋ باعدارلاماسى بويىنشا مىڭداعان جوبالار قولداۋ تابۋدا. يندۋستريالاندىرۋ كارتاسىنا 12 مىڭ جۇمىس ورنىن اشاتىن 100 جوبا ەنگەن. سونىمەن قاتار قالانىڭ ينۆەستيسيالىق تارتىمدىلىعىن جاقسارتاتىن ستراتەگيا دا جاسالدى»، - دەپ اتاپ ءوتتى ا.مادييەۆ.

جۇرگىزىلگەن زەرتتەۋدىڭ ناتيجەسى بويىنشا ءۇش سالاعا ينۆەستيسيا تارتۋ تارتىمدى ەكەنى انىقتالدى، ولار - تۋريزم، ساۋدا، تاماق ونەركاسىبى. ينۆەستيسيا ماسەلەسىن شەشۋدە نارىق اۋقىمى، جۇمىس كۇشى، قاۋىپسىزدىك پەن اشىقتىق باستى فاكتورلار بولىپ تابىلادى.

ينۆەستيسيا تارتۋدىڭ ستراتەگياسى ءتورت باعىتتى قامتيدى، ولار: «ينستيتۋسيونالدى ورتانىڭ ساپاسىن ارتتىرۋ»، «بيزنەس- ينفراقۇرىلىمنىڭ ساپاسىن ارتتىرۋ»، «يميدجدىك جىلجۋ جانە اقپاراتتىق قولداۋ» جانە «اكتيۆتى جوبالى تارگەتتەۋ جولىمەن نەگىزگى سالالارعا ينۆەستيسيا تارتۋ».

«الماتى قالاسىندا جاقسى ينۆەستيسيالىق احۋالدى قالىپتاستىرۋ جانە ينۆەستورلارمەن، بيزنەسمەندەرمەن اشىق ءارى جاقسى قارىم- قاتىناس ورناتۋ- بارىنشا ماڭىزدى. ولاردىڭ ءارقايسىسى وزدەرىنىڭ شتاب- پاتەرلەرىنىڭ ەلشىسى رەتىندە الەمدەگى سەرىكتەستەرى تۋرالى جيناقتاعان تاجىريبەلەرىن ورتاعا سالادى. ءبىز كەز- كەلگەن باستاماعا قولداۋ كورسەتەمىز، ۇتىمدى شەشىمدەر قابىلداۋ ءۇشىن ءتۇرلى كەزدەسۋلەردى، ديالوگتى قۇپتايمىز»، - دەدى قازاقستاننىڭ ەۆروپالىق بيزنەس اسسوسياسياسىنىڭ اتقارۋشى ديرەكتورى يۋليا كۋسيدي.

جيىن قورىتىنىدىسى بويىنشا كەڭەس مۇشەلەرى ايتقان ۇسىنىستار مەن، تولىقتىرۋلار ەنگىزىلگەن الماتىعا 2020 جىلعا دەيىن ينۆەستيسيا تارتۋدىڭ ستراتەگياسى بەكىتىلدى.

ەسكە سالساق، كەڭسەتىڭ قۇرامىنا مەملەكەت باسشىسىنىڭ تاپسىرماسى بويىنشا حالىقارالىق قارجى ۇيىمدارىنىڭ، شەتەلدىك كومپانيالار اسسوسياسيالارىنىڭ، كونسالتينگتىك جانە زاڭ كومپانيالارىنىڭ وكىلدەرى، ءىرى شەتەلدىك جانە قازاقستاندىق كاسىپكەرلەر ەنگەن. ولاردىڭ قاتارىندا كاسپيي ءوڭىرى بويىنشا «Deloitte» كومپانياسىنىڭ باسقارۋشى سەركىتەسى مارك سميت، قازاقاتانداعى ازيا دامۋ بانكى وكىلدىگىنىڭ ديرەكتورى دجوۆانني كاپاننەللي، «Astana Group» حولدينگىنىڭ ديرەكتورى نۇرلان سماعۇلوۆ جانە باسقالارى بار.