مىڭداعان فيليپپيندىك قارسىلىلىق تانىتۋشىلار بۇگىن مانيلادا ترامپتىڭ جاساندى سۇلباسىنا ادولف گيتلەرشە مۇرت قويىپ، سۆاستيكانىڭ بەلگىسىن تاعىپ، ونى كوپشىلىكتىڭ ورتاسىندا ورتكە ورادى،- دەپ Qamshy.kz اقپارات اگەنتتىگى Mirror باسىلىمىنا سۇيەنە وتىرىپ جازادى.
4 مەترلىك دونالد ترامپتىڭ سۇلباسى بار پورترەت اقش پرەزيدەنتىنىڭ فيليپپينگە كەلگەن ءىس-ساپارى كەزىندە جاسالدى. تارتىپسىزدىكتى رەتتەمەك بولعان پوليسيا قىزمەتكەرلەرى ءبىرشاما قارسىلىق تانىتۋشىلاردى جاراقاتتاپ، ولاردى كوشەدەن بلوكتاپ تاستادى.
ترامپتىڭ ۇلكەن سۋرەتى بار پلاكاتتى ورتەگەندەردىڭ قاتارىندا بولعان، بەلسەندى رەناتو رەيەس: «ءبىزدىڭ ماقساتىمىز فيليپپين پرەزيدەنتى رودريگو دۋتەرتە مەن اقش پرەزيدەنتى دونالد ترامپتىڭ اراسىنداعى ەكىجاقتى كەزدەسۋدى بولدىرماۋ. ويتكەنى بۇل كەزدەسۋ فيليپپين حالقى ءۇشىن ەشقانداي پايدا اكەلمەيدى»،-دەدى.
جينالعان توپ اقش ەلشىلىگىنە تاپ بەرمەك بولدى، ولارعا ءورت كولىگىنەن سۋ شاشىلدى. قارسىلىق بىلدىرۋشىلەر تارقاتىلعاننان سوڭ، 18 جاستاعى الەكسيس داندەي بىلاي دەدى: «ترامپ يمپەرياليست اقش-تىڭ باسشىسى، فيليپين مەن اقش اراسىنداعى سەرىكتەستىكتىڭ ءبىرجاقتى جانە ادىلەتسىز بولاتىندىعىنا ءبىز سەنىمدىمىز»،- دەدى. ۆيدەونى كورۋ ءۇشىن مىنا تۆيت ارقىلى ءوتىڭىز:
Trump dressed as Hitler burnt on stake in Philippines https://t.co/OvQ9R05Fo5
— قامشى اا (@qamshy) November 13، 2017
ەسكە سالا كەتەيىك، اقش پرەزيدەنتى مانيلاعا وڭتۇستىك-شىعىس ازيا حالىقتارىنىڭ 50 جىلدىق مەرەيتويىن اتاپ ءوتۋ شاراسىنا وراي كەلگەن بولاتىن.
پىكىر قالدىرۋ