اقجارقىن تۇرلىبايدىڭ ءىسى بويىنشا سوڭعى سوت ۇكىمى 2017 جىلدىڭ اياعىنا دەيىن شىعادى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ. بۇل تۋرالى اقجارقىننىڭ قورعاۋشىسى سۇڭقار نۇرماعامبەتوۆ ءمالىم ەتتى.

«سوت پروسەسى 2017 جىلدىڭ سوڭىنا دەيىن جالعاسۋى مۇمكىن. وسى ۋاقىتتا اقجارقىن تۇرلىبايعا ۇكىم شىعادى. سوت ۇكىمى اقجارقىن پايداسىنا بولادى دەپ ۇمىتتەنەمىز. ق ر ءسىم بىرىگە وتىرىپ اقجارقىننىڭ اناسىنا ۆيزا جاساۋ ماسەلەسىن شەشتىك. مينيسترلىكتىڭ ارقاسىندا اقجارقىننىڭ اناسى 1 جىل بويى قىتايعا كەدەرگىسىز كىرىپ شىعا الاتىن بولدى»، - دەدى سۇڭقار نۇرماعامبەتوۆ.

اقجارقىننىڭ قورعاۋشىسى مەن ق ر ءسىم قىتايدان قازاقستان ازاماتتارىن قايتارۋ تۋرالى حالىقارالىق كەلىسىمنىڭ تارماقتارىن پايدالانباق.

ايتا كەتۋ كەرەك، اقجارقىن تۇرلىباي 2014 جىلدىڭ ناۋرىزىندا گۋانچجوۋ اۋەجايىندا ۇستالعان بولاتىن. قىزدىڭ سومكەسىنەن 4،5 كەلى امفەتامين تابىلعان.

اناسىنىڭ ايتۋىنشا، كيىم ساتىپ الۋعا كەتكەن اقجارقىنعا بىرەۋلەر ەسىرتكى سالىپ جىبەرگەن.

2016 جىلدىڭ 2 قاراشاسىنان باستاپ قحر گۋاندۋن پروۆينسياسىنىڭ سوتى اقجارقىن ءىسىن قايتا قاراپ جاتىر.