سينوپتيكتەر قازاقستاندا 14 قاراشاعا ارنالعان  اۋا رايى بولجامىن جاريا ەتتى، دەپ حابارايدى Qamshy.kz اقپارات اگەنتتىگى.

«قازگيدرومەت» رمك-نىڭ حابارلاۋىنشا، انتيسيكلوننىڭ ىقپال ەتۋىنە بايلانىستى قازاقستانىڭ باسىم بولىگىندە كۇن اشىق بولادى. تەك ەلدىڭ سولتۇستىك باتىسى مەن سولتۇستىگىندە جانە وڭتۇستىگىنىڭ كەي جەرلەرىندە جاڭبىر نەمەسە قار جاۋۋى ىقتيمال.

كەي جەرلەردە جەل كۇشەيىپ، تۇمان ءتۇسىپ، كوكتايعاق بولادى.

شىعىس قازاقستان، وڭتۇستىك قازاقستان وبلىستارىنىڭ ءبىرقاتار ايماقتارىندا تۇمان ءتۇسىپ، جەلدىڭ جىلدامدىعى سەكۋندىنا 15-20 مەترگە جەتەدى.

جامبىل وبلىسىندا تۇندە كەي جەرلەردە تۇمان ءتۇسىپ، كۇندىز جەلدىڭ جىلدامدىعى سەكۋندىنا 15-20 مەتر بولادى.

الماتى وبلىسىنداعى جالاڭاشكول اۋماعىندا جەل سەكۋندىنا 15-20 مەتر جىلدامدىقپەن ۇيتقيدى.

سولتۇستىك قازاقستان، پاۆلودار وبلىستارىنىڭ ءبىرقاتار ايماقتارىندا تۇمان ءتۇسىپ، كوكتايعاق بولادى.

باتىس قازاقستان، اتىراۋ، ماڭعىستاۋ، اقتوبە، قىزىلوردا، قوستاناي، اقمولا، قاراعاندى وبلىستارىندا تۇمان تۇسەدى دەپ كۇتىلۋدە.