چەليابينسكىدە وتكەن رەسەي مەن قازاقستان ءوڭىرارالىق ىنتىماقتاستىعىنىڭ حIV فورۋمىندا «روسكوسموس» مەملەكەتتىك كورپوراسياسىنىڭ عارىش قىزمەتى جونىندەگى باس ديرەكتوردىڭ ءبىرىنشى ورىنباسارى الەكساندر يۆانوۆ پەن ق ر اۋىل شارۋاشىلىعى ءبىرىنشى ۆيسە-مينيسترى قايرات ايتۋعانوۆ 1994 جىلعى 10 جەلتوقسانداعى قازاقستان رەسپۋبليكاسى ۇكىمەتى مەن رەسەي فەدەراسياسى ۇكىمەتى اراسىنداعى «بايقوڭىر» عارىش ايلاعىن جالعا بەرۋ كەلىسىمىنە وزگەرىس ەنگىزۋ تۋرالى حاتتاماعا قول قويدى. بۇل جايىندا Qamshy.kz اقپارات اگەنتتىگى قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى. 

قۇجاتقا سايكەس اقاي جانە تورەتىم كەنتتەرىنىڭ ماڭىنداعى 11،6 مىڭ گەكتار جەر رەسەي تاراپىنان جالعا الۋدان شىعارىلدى جانە ول جەردە الەۋمەتتىك-ەكونوميكالىق ينفراقۇرىلىمدى ودان ءارى دامىتۋ ءۇشىن قىزىلوردا وبلىسىنا بەرىلدى.

سونداي-اق، رف دەنساۋلىق ساقتاۋ ءميينسترى ۆەرونيكا سكۆورسوۆا مەن ق ر دەنساۋلىق ساقتاۋ ءمينيسترى ەلجان ءبىرتانوۆ  2009 جىلعى 17 قاراشاداعى قازاقستان رەسپۋبليكاسى ۇكىمەتى مەن رەسەي فەدەراسياسى ۇكىمەتى اراسىنداعى «بايقوڭىر» عارىش ايلاعىن رەسەي فەدەراسياسى جالعا الۋ جاعدايىندا «بايقوڭىر» عارىش ايلاعى قىزمەتكەرلەرىنە، بايقوڭىر قالاسىنىڭ جانە تورەتام، اقاي اۋىلدارىنىڭ تۇرعىندارىنا،  مەديسينالىق قىزمەت كورسەتۋ» كەلىسىمىنە وزگەرىس ەنگىزۋ تۋرالى حاتتاماعا قول قويدى.

حاتتامادا «بايقوڭىر» كەشەنىندە، اقاي جانە تورەتام كەنتتەرىندە تۇراتىن جانە جۇمىس ىستەيتىن قازاقستاندىقتارعا مەديسينالىق قىزمەت كورسەتۋ جۇيەسىن جەتىلدىرۋ كوزدەلەدى.

قول قويىلعان قۇجاتتار «بايقوڭىر» عارىش ايلاعى تۋرالى بۇرىننان بار ەكى جاقتى نورماتيۆتىك-قۇقىقتىق بازانى تولىقتىرادى ءارى  قازاقستان مەن رەسەي ىنتىماقتاستىعىن دامىتۋدا ماڭىزدى ەلەمەنت بولىپ تابىلادى.