كازنەتكە تاراپ كەتكەن اسكەري بورىشىن وتەپ جۇرگەندەر اراسىنداعى قوقان-لوققى تۋرالى ق ر اسكەري باس پروكۋراتۋرانىڭ وكىلى ەركىن قوجا-احمەت ءوزىنىڭ Facebook پاراقشاسىندا جاۋاپ بەردى،- دەپ Qamshy.kz اقپارات اگەنتتىگى جازادى.
ۆيدەودان اسكەرگە جاڭادان كەلۋشىلەردى ۇلكەندەردىڭ قالاي قورلاپ جاتقاندىعىن كورۋگە بولادى. جارعىعا سايكەس كەلمەيتىن قارىم-قاتىناستا ۇلكەندەر كىشىلەردى ۇرىپ، ايتقاندارىن ىستەتىپ جاتىر.
پروكۋراتۋرا وكىلى بۇل جاعدايدىڭ ارميادا شىندىعىندا دا ورىن العاندىعىن ايتتى، ءبىراق ول سەگىز جىل بۇرىن بولعان دەپ جازدى.
«اتالمىش بەينەجازبا 2009 جىلى اقتاۋداعى اسكەري بولىمدەردىڭ بىرىندە تۇسىرىلگەن. ول تەك 2012 جىلى عانا YouTube كانالىنا سالىنعان. جاعدايعا قاتىسى بارلاردىڭ بارلىعى ايقىندالىپ، ولارعا قاتىستى شارالار جاسالىنعان»،- دەپ جازعان ەركىن قوجاحمەت.
