الماتى اكىمى باۋىرجان بايبەك قازاقستان رەسپۋبليكاسىنداعى فرانسۋز رەسپۋبليكاسىنىڭ توتەنشە جانە وكىلەتتى ەلشىسى فيليپپ مارتينەمەن كەزدەستى. تاراپتار ساۋدا- ەكونوميكالىق، مادەني- گۋمنايتارلىق بايلانىستار جونىندەگى مساەلەلەردى تالقىلادى، دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنە سىلتەمە جاساي وتىرىپ.

مەگاپوليس اكىمى بيىلعى جىلدىڭ 9 ايى ىشىندە الماتى مەن فرانسيا اراسىنداعى تاۋار اينالىمى 2016 جىلدىڭ وسى كەزەڭىمەن سالىستىرعاندا 36،4%-عا ارتىپ، 191 ملن. اقش دوللارىن قۇراعانىن ايتتى. قالادا فرانسۋز كاپيتالىمەن 60 كاسىپورىن جۇمىس ىستەيدى.

فرانسۋز تاراپىنا «ءبىر تەرەزە» قاعيداسى بويىنشا جۇمىس ىستەيتىن ينۆەستورلارعا قىزمەت كورسەتۋ ورتالىعى، يندۋستريالدى ايماق جانە شەتەلدىك كومپانيالارعا پرەفەرەنسيالار مەن جەڭىلدىكتەر ۇسىناتىن «يتپ» اەا ايماعى كوپتەگەن وڭتايلى مۇمكىندىكتەر جاساۋدا.

ءوز كەزەگىندە فيليپپ مارتينە فرانسۋز كومپانيالارى «سمارت سيتي» جوباسى مەن كولىكتىك رەفورمالارعا قاتىسا الاتىنىن ايتتى.

كەزدەسۋ بارىسىندا فرانسۋز رەسپۋبليكاسىنىڭ توتەنشە جانە وكىلەتتى ەلشىسى الماتىداعى ءبىلىم سالاسىنا جانە ءبىرقاتار مادەني شارالارعا قاتىستى جوبالاردى جۇزەگە اسىرۋعا قاتىسۋ مۇمكىندىگىن قاراستىرۋدى ۇسىندى.

"بۇگىنگى كۇنى نارىقتاعى جاھاندىق باسەكە بارىسىندا جەتەكشى مەگاپوليستەر سەرۆيستىك قالادان يننوۆاسيالىق سمارت-سيتيگە وتۋدە. Smart Almaty كونسەپسياسىنا نەگىزىنەن ەكونوميكا، ەكولوگيا جانە قوعام مۇددەلەرىن تەӊەستىرۋ ەنىپ وتىر. الەمدەگى ۇزدىك تاجىريبەلەر مەن قالا تۇرعىندارىنىӊ تالابى بارىسىندا ءبىز باستى باعىتتاردى انىقتادىق. IDC حالىقارالىق كومپانياسىمەن بىرگە الماتىدا "اقىلدى قالا" دەӊگەيىندە كەشەندى ساراپتاما جۇرگىزدىك، ناتيجەسىندە ءالسىز ايماقتار انىقتالدى، سونىمەن قاتار ماسەلەلەردى جۇيەلى تۇردە شەشەتىن 7 بازالىق جوبا جاسالدى. دەگەنمەن، ءبىز تەك ساندىق تەحنولوگيانى عانا ەنگىزۋدى ماقسات ەتپەيمىز."اقىلدى قالا" - ءتۇرلى ۇتىمدى تەحنولوگيا جانە بۇقارا مەن بيلىكتىӊ ءوزارا تۇسىنىستىك مادەنيەتى. تەحنولوگيا - بۇل باسقارۋ پروسەستەرى اراسىنداعى ىنتىماقتاستىقتى جاقسارتۋ، تيىمدىلىكتى ارتتىرۋ. ەل پرەزيدەنتى نۇرسۇلتان نازاربايەۆ: "قانىمىزعا ءسىӊگەن كوپتەگەن داعدىلار مەن تاپتاۋرىن بولعان قاساӊ قاعيدالاردى وزگەرتپەيىنشە، ءبىزدىӊ تولىققاندى جاӊعىرۋىمىز مۇمكىن ەمەس"، -دەگەن ەدى. سوندىقتان ءبىز وزگەرىستەرگە، ءتۇرلى كرەاتيۆتى يدەيالاردى ەنگىزۋگە، وسى جولدا بىرىگىپ العا جىلجۋعا دايىنبىز"، - دەدى مەگاپوليس باسشىسى.

مىسالى، "جايلى قالا" جوباسى ارقىلى الماتى ماشينالاردىӊ ەمەس، ادامداردىӊ سۇيىكتى قالاسىنا اينالادى. قورشاۋلار الىنىپ تاستالىپ، كەӊىستىكتەر ۇلعايادى. مۇنداي ۆەكتور قالا تۇرعىندارىنىӊ كەӊىنەن قاتىسۋىمەن جانە حالىارالىق ساراپشىلاردىӊ ۇسىنۋىمەن "الماتى 2020" باعدارلاماسى اياسىندا قابىلداندى. بۇل تاجىريبەنى بۇۇ-نىӊ ەكونوميكالىق كوميسسياسى مەن الەۋمەتتىك كەӊەسى ازيا جانە تىنىق مۇحيت ءوӊىرىندەگى ەلدەر ءۇشىن ەӊ ۇزدىك رەتىندە اتاپ ءوتتى.