ءومىرىڭنىڭ جالعاسى بولعان ۇرپاعىڭدى بىرەۋ ولتىرسە، كەشىرىم بەرۋ وڭاي ما؟! اشۋدى اقىلعا جەڭدىرىپ، كەشىرىمدىلىك تانىتۋدىڭ ناپسىگە دە تىم اۋىر كەلەتىنى وتىرىك ەمەس،-دەپ Qamshy.kz اقپارات اگەنتتىگى muslim.kz-كە سىلتەمە بەرىپ جازادى.
دەگەنمەن، تاعدىر جازۋىنا توزىمدىلىك تانىتىپ، ۇلىن ولتىرگەن قىلمىسكەرگە كەشىرىممەن قاراي بىلگەن جاندار از ەمەس. سونداي جانداردىڭ ءبىرى رابيا ءال-دۋساري ۇلىنىڭ قازاسىنا كىنالى فايسال ال-امەري قاسيەتتى قۇران كارىمدى تولىعىمەن جاتتاپ شىقسا، كەشىرىم بەرەتىنىنە ۋادە بەردى.
قايعىدان قان جىلاعان قاريا بۇل قادامعا شىعىس پروۆينسياسىنىڭ تۇزەتۋ جونىندەگى جوعارعى كوميتەت وكىلدەرىمەن سۇحباتتاسقاننان كەيىن بارعان كورىنەدى. ءبىراق، ول بەرىلەتىن ماتەريالدىق وتەماقىدان باس تارتىپ، ءوز شارتىن قويعان: قىلمىسكەر تۇرمەدە وتىرعان كەزىندە قۇران كارىمدى تولىعىمەن جاتتاپ شىقسا، باسىنا ازاتتىق الادى.
پىكىر قالدىرۋ