ءبىلىم جانە عىلىم مينيسترلىگى قازاقستاندا اعىلشىن ءتىلدى مۇعالىمدەردى دايارلاۋ جانە اعىلشىن تىلىندە وقىتۋ جۇيەسىنە كوشۋ كەستەسىن كەلەسى جىلى وزگەرتەدى، دەپ حابارلادى Qamshy.kz اقپارات اگەنتتىگى ازاتتىقتىڭ مالىمەتىنە سۇيەنىپ.
بەيسەنبىدە سەناتتا 2018-2020 جىلدارعا ارنالعان رەسپۋبليكالىق بيۋدجەت جوباسىن تالقىلاۋ كەزىندە سويلەگەن ساعادييەۆ رەسپۋبليكادا بيىل مۇعالىمدەردى اعىلشىن تىلىندە ساباق بەرۋگە دايارلاۋ جانە اعىلشىن تىلىندە وقىتۋعا كوشۋ تاجىريبەسى جۇرگىزىلە باستاعانىن ايتتى. "كەلەسى جىلى بيىلعى جىل سوڭىندا وسى تاجىريبە ناتيجەسىندە الىنعان مالىمەتتەر بويىنشا مۇعالىمدەر دايارلاۋ مەن اعىلشىن تىلىندە وقىتۋ كەستەسىن كوپشىلىك تالقىسىنا سالىپ، وزگەرتەمىز" دەدى ساعادييەۆ.
ءمينيستردىڭ سوزىنشە، 2017 جىلى ەلدە تاجىريبە اياسىندا ءبىر جارىم مىڭ ءمۇعالىم اعىلشىن تىلىندە ساباق بەرە باستاعان. ول ءقازىر اتالعان مۇعالىمدەردىڭ تاجىريبەسى ەنگىزىلىپ جاتقان تۇستا جاڭا پاندەر زەرتتەلىپ جاتقانىن ايتتى.
ەرلان ساعادييەۆ اعىلشىن ءتىلىن تالاپ ەتىلگەن دەڭگەيدە مەڭگەرگەن مۇعالىمدەردىڭ جالاقىسىنا ۇستەمە قوسىلاتىنىن، ال مۇعالىمدەردى اعىلشىن تىلىندە ساباق بەرۋگە دايىنداۋعا بولىنەتىن قارجى جىل سايىن ۇلعايتىلاتىنىن ايتتى.
پىكىر قالدىرۋ