الماتى اكىمى باۋىرجان بايبەك جۇمىس ساپارى بارىسىندا س.سەيفۋلللين اتىنداعى ساياباقتى قايتا جاساۋدىڭ، «جۇلدىز» ىقشام اۋدانىنداعى جۇرگىنشى ايماعىن ابباتتاندىرۋدىڭ بارىسىن، سونىمەن قاتار مەگاپوليستىڭ تۇركسىب اۋدانىنداعى اۋلالاردى تەكسەردى.

تۇركسىب اۋدانىندا دا اۋلالاردى قايتا جاساۋ جۇمىستارى ءجۇرىپ جاتىر، بيىلعى جىلى مۇندا 80 اۋلاعا اسفالت، رەزينكا جانە كەسپە تاس توسەلگەن، ورىندىقتار مەن ۋرنالار قويىلعان، سپورت جانە بالالار الاڭدارى جارىق كوزدەرىمەن قامتىلعان. بۇلاردان وزگە، اۋدان اكىمى پاۆەل كۋلاگيننىڭ ايتۋى بويىنشا اۋداندا «رۋحاني جاڭعىرۋ» باعدارلاماسى اياسىندا بىرنەشە سپورت جانە بالالار الاڭدارى سالىنعان.

«بۇگىنگى كۇنى پرەزيدەنتىمىز سىزدەر ءۇشىن بارلىق جاعدايلاردى جاساۋدا. قالادا سوڭعى ەكى جىلدا 732 اۋلا الاڭدارى اباتتاندىرىلدى. بۇل - ءاربىر بەسىنشى اۋلا. بۇل جۇمىستى ءبىز كەلەر جىلى دا جالعاستىرامىز. تەك قالانىڭ ورتالىعى عانا ەمەس، بارلىق اۋلالار كوركەيەدى، جاستار سپورتپەن شۇعىلدانىپ، بالالار وزدەرىنىڭ ءقاۋىپسىز اۋلالارىندا وينايتىن بولادى. قازىرگى كەزدە «مەنىڭ اۋلامداعى سپورت» جوباسى اياسىندا 6 مىڭ بالا 75 سپورت الاڭدارىندا كاسىبي نۇسقاۋشىلارمەن بىرگە تەگىن جاتتىعۋدا. 2020 جىلدارعا دەيىن قالانىڭ بارلىق 600 سپورت الاڭىن قامتيتىن بولامىز»، -دەپ اتاپ ءوتتى باۋىرجان بايبەك.

جۇمىس ساپارى بارىسىندا باۋىرجان بايبەك «جۇلدىز» ىقشام اۋدانىنداعى جۇرگىنشى ايماعىن اباتتاندىرۋ جۇمىستارىمەن دە تانىستى. جۇرگىنشى جولىنىڭ اۋماعى كەڭەيتىلگەن، كەيىن وعان ءتۇرلى اعاشتتار، بۇتاقتار مەن گۇلدەر وتىرعىزىلادى. سونىمەن قاتار، مۇندا تاياۋ ارادا سپورت جانە بالالار الاڭدارى اشىلىپ، ولارعا كىشى ارحيتەكتۋرالىق پىشىندەر، ورىندىقتار قويىلادى جانە قوعامدىق تاماقتانۋ نۇكتەسى جانە باسقالارى پايدا بولادى.

الماتى اكىمى قايتا جاسالعان س.سەيفۋللين اتىنداعى ساياباقتا بولدى، مۇندا جاڭادان اسفالت توسەلگەن، ارىق جەلىسى جاڭارعان، جاڭا ۆەلوجولدار جاسالعان، گۇلدەر، مەن جاسىل جەلەك وتىرعىزىلىپ،بالالار مەن سپورت الاڭدارى جاساقتالعان، انتيۆاندالدى ورىندىقتار جانە باسقالارى قويىلعان.