تۇرىك باسشىسى جاقىندا عانا دايش-تىڭ استاناسى سانالىپ كەتكەن «راككادان جاۋىنگەرلەردىڭ قاشىپ شىعۋىنا جاعداي جاساعان امەريكالىق بيلىك» دەپ مالىمدەدى.

رەجەپ ەردوعان بۇل مالىمدەمەنى جۋرناليستەردىڭ الدىندا ايتىپ، سيرياداعى داعدارىستى رەتتەۋ ءۇشىن اقش-پەن بىرىگىپ جۇمىس ىستەگىسى كەلمەيتىنىن ايتتى، دەپ Qamshy.kz اقپارات اگەنتتىگى Life.ru-عا سىلتەمە بەرىپ جازادى.

«اقش ءبىزدىڭ كوڭىلىمىزدى قالدىردى. دايش-پەن سوعىسىپ جاتىرمىز دەپ الىپ، ولارعا قىرۋار دوللار بەردى»،-دەدى ول اشۋ ۇستىندە.

ەردوعان بۇل مالىمدەمەنى بولاشاقتا اقش-پەن بىرلەسە سيرياعا قارسى ارەكەت جاساۋ تاقىرىبىندا سويلەسكەن كەزدە ايتتى. رەجەپ ەردوعان انكارانىڭ ەندىگى كەزەكتە ۆاشينگتون مالىمدەمەلەرىنە سەنبەيتىندىگىن ءبىلدىردى. بۇل سەنىم اقش تاراپىنان بەرىلگەن سانسىز ۋادەلەردىڭ ورىندالماۋىنان بۇزىلدى،-دەپ جازدى Sabah گازەتى.

«راككاداعى مانبيدجدە اقش-قا بىرگە جۇمىس جاسايىق، دەپ ۇسىنعاندا، ولار الاڭداماڭىز وندا PYD كۇرتتەردىڭ «دەموكراتيالىق وداعىنىڭ» ءبىر دە ءبىر مۇشەسى قالمايدى دەگەن بولاتىن. ءبىراق سوزىندە تۇرعان جوق. اقش-تا باسشىلىق اۋىسقانمەن، ءبارى دە باياعىسىنشا قالدى»،- دەدى رەجەپ ەردوعان.

تۇركيادا PYD كۇرتتەرى دايش-پەن ءبىر ساناتتاعى تەررورلىق توپ بولىپ سانالادى. سوندىقتان، امەريكا قۇراما شتاتتارىنىڭ PYD-گە قولداۋ كورسەتۋى تۇرىك باسشىسىنىڭ اشۋىن قوزدىردى. ەردوعان اتاپ وتكەندەي، اقش سيريالىق كۇرتتەرگە ءۇش مىڭعا جۋىق جۇك كولىكتەرى، برونەتەحنيكا جانە ءىرى كولەمدەگى قارۋ-جاراق جىبەرگەن.