قاپشاعاي قالاسى اكىمىنىڭ ورىنباسارى ساعدات شاتان ۇلى نۇرعازييەۆتىڭ ءتوراعالىق ەتۋىمەن بولعان وناماستيكالىق كوميسسيانىڭ كەزەكتى وتىرىسى قالا مەن وڭىردەگى ەلدى مەكەندەردەگى كو-شەلەر اتاۋلارىنىڭ وزگەرتىلۋىنە ارنالدى.
بۇل جونىندە «قاپشاعاي قالا-سى مادەنيەت جانە تىلدەردى دامىتۋ ءبولىمى» مەملەكەتتىك مەكەمەسىنىڭ باسشىسى بيبىگۇل كەنجەحان قىزى شايكەنوۆا ەسەپ بەردى. راسىندا كەشەگى كەڭەس زامانىنداعى يدەولوگيا نەگىزىندە قويىلعان كوشە اتاۋلارى جاڭا زامانعا ساي ءوزىنىڭ قۇندىلىقتارىن جوعالتقاننان كەيىن ولاردى وزگەرتۋ ۋاقىت تالابى بولىپ وتىرعانى انىق.
ال ونداي كوشەلەر ءبىر قاپشاعاي قالاسىنىڭ وزىندە كوپ بولىپ شىقتى. سونىمەن قاتار جاڭادان پايدا بولعان شاعىن اۋدانداردا ءبىر دە ءبىر كوشە اتاۋلارى جوقتىعى كوميسسيانىڭ وسى وتىرىسىندا ايتىلدى. كوشەلەر عانا ەمەس، كەيبىر ەلدى مەكەندەردىڭ اتىن وزگەرتۋ دە كەزەك كۇتتىرمەس مىندەتتىڭ ءبىرى بولۋ كەرەكتىگى وسى وتىرىستا اڭگىمە وزەگى بولدى.
قارالعان ماسەلە نەگىزىندە قاپشاعاي قالاسى اكىمىنىڭ ورىنباسارى كوميسسيا وتىرىسىنىڭ وتكىزىلۋ مەرزىمىن جاساپ، بەكىتتىرىپ الۋ جونىندە جانە كوشە اتاۋلارىن بەرەردە تاريحي فاكتىلەرگە سۇيەنۋ قاجەتتىگى مەن تۇرعىنداردىڭ پىكىرلەرىن ەسكەرىپ، زەرتتەۋى جونىندە «قاپشاعاي قالاسى مادەنيەت جانە تىلدەردى دامىتۋ ءبولىمى» مەملەكەتتىك مەكەمەسىنىڭ باسشىسى بيبىگۇل كەنجەحان قىزى شايكەنوۆا ناقتى تاپسىرما بەردى. كوتەرىلىپ وتىرعان دۇنيە وتە ماڭىزدى بولعاندىقتان بۇل ماسەلەگە قايتا اينالىپ سوعىپ، كوميسسيانىڭ كەلەسى وتىرىسىندا اتقارىلعان ىستەرمەن قاتار ورىندالۋعا ءتيىستى جۇمىس جوسپارى قارالاتىن بولماق. كوميسسيانىڭ كەزەكتى وتىرىسىندا وسى شەشىم قابىلداندى.
التىنباي شاكەن ۇلى.
