ءۇندىستاننىڭ دجايپۋر ەلدى-مەكەنىندە جۇرگەن قازاق قىزى ءوزىنىڭ يستاگرام پاراقشاسىنا قازاقستانعا قايتقىسى كەلمەيتىنىن، ۇيالاتىنىن ايتتى، — دەپ جازادى Qamshy.kz اقپارات اگەنتتىگى.
«سىزدەر ءۇندىستانداعى جەرگىلىكتى تۇرعىنداردى ايايسىزدار، ال مەن ءبىزدىڭ قازاقستاندىقتاردى ايايمىن.
ءۇندىستانداعى جەرگىلىكتى ادامداردان مەيىرىمدى xالىقتى كورمەدىم. باتىستىڭ ادامدارى دا ءدال وسىنداي دەڭگەيدە مەيىرىمدى ەمەس. وسىنداي كەدەيلىكتە تۇرىپ قايدان، قالايشا سونشالىقتى جارقىن، اشىق، مەيىرىمدى بولۋعا بولادى؟
ءبىز ساري كيىپ شىققان كۇندەرى ەركەكتەر بىلاي تۇرسىن، ءاربىر ايەل، وقۋشى، قارت ادامدار كومپليمەنت جاۋدىردى. بۇل جەردە ەشكىم ەشكىممەن ۇرسىسپايدى، قاباق شىتپايدى. شىدامدى! كەزەكتە تۇرعاندا شىنتاقتاسىپ، الا كوزبەن قاراۋ دەگەن مۇلدەم جوق. دارەتxاناعا كىرسەڭ وتىراتىن جەرىڭە دەيىن ءسۇرتىپ بەرەدى. بازارعا كەلسەڭ الدىڭا تاۋاردى توگىپ تاستايدى. قورابىن اشىپ، پاكەتتەرىنەن شىعارىپ، 6 مەترلىك ساريلەردى جايىپ قويادى. «تەك باعاسىن ايتا سالىڭىز»، — دەسەڭ دە،مىندەتتى تۇردە اشىپ كورسەتەدى. تۇك الماي كەتسەڭ جىلى جۇزبەن شىعارىپ سالادى. ەشقانداي «رۋكامي نە تروگات»، — دەپ ۇرسىسۋعا دايىن تۇرمايدى. «قازاقشا سويلەمەدىڭ»، — دەپ جەپ قويمايدى. ءبىزدىڭ ادامدار عوي ءومىر بويى تىرناق استىنان كىر ىزدەيدى دە وتىرادى. تەك قازاقتار عانا ەمەس، جالپى تمد مەملەكەتتەرىنىڭ تۇرعىندارى سوندايمىز اشۋشاڭ، كورە الماۋشىلىق، ءىش تارلىق، سىن... اشىنعان xالىقتار. باي تۇرساق تا قاناعاتتانبايمىز، كەدەي تۇرساق قاناعاتانبايمىز. ءتىپتى شەتەلدەن وتانعا قايتقىڭ كەلمەيدى. ۇيالاسىڭ.
كوشەدەگى سيىر، يت، مايمىلدارمەن كورشىلەس ءومىر سۇرەتىن، كەدەيلىكتى كۇلىمسىرەپ كوتەرە بىلەتىن، وتە تومەن دەڭگەيدەگى ءۇندىستاندىقتاردان ۇيرەنەرىمىز كوپ»، — دەپ ءسوزىن اياقتادى اينا دوسماحامبەت قىزى.
