سوعىس باستالعان كەزدەن 2017 جىلدىڭ قىركۇيەك ايىنا دەيىن بۇل ەلدە ازاپتاۋدان 104 مىڭ ادام باقيلىق بولعان دەپ حابارلايدى Qamshy.kz اقپارات اگەنتتىگى islam.kz-كە سىلتەمە جاساي وتىرىپ.

بۇل جايىندا سيريالىق قۇقىق قورعاۋشىلار جەلىسىنىڭ  ەسەبىندە ايتىلعان. قۇقىق قورعاۋشىلاردىڭ دەرەگىنە قاراعاندا، سوعىس ءورتى تۇتانعان 2011 جىلدىڭ ناۋرىز ايىنان وسى ۋاقىتقا دەيىن ازاپتاۋدان كوز جۇمعانداردىڭ اراسىندا 13 مىڭ بالا مەن 57 مىڭ ايەل بولعان.

ايتا كەتەيىك، اتالعان ۋاقىت ارالىعىندا سيريادا 106 727 ادام تۇتقىندالعان، ولاردىڭ 90،15 پايىزى، ياعني، 85 036 ادام مۇلدە حابار-وشارسىز كەتكەن. تاعى ءبىر ايتا كەتەتىنى، سيرياداعى سوعىستان بىرىككەن ۇلتتار ۇيىمىنىڭ كەلتىرگەن مالىمەتى بويىنشا 400 مىڭنان اسا ادام وپات بولعان، 10 ملن-نان اسا سيريالىق باس ساۋعالاپ بوسىپ كەتكەن. 4،8 ملن بوسقىن سيريا اۋماعىنان تىسقارى جەرگە كەتكەن.