الماتى وبلىسىنىڭ پوليسيا وكىلدەرى جەرگىلىكتى تۇرعىندى قىلمىسقا قاتىستى كۇدىكتى رەتىندە قاماۋعا الدى دەپ حابارلايدى Zakon.kz .
18 قاراشادا ىلە اۋدانىنىڭ ءاىىب-عا وتەگەن باتىر اۋىلىنىڭ كوشەلەرىنىڭ بىرىندە بەلگىسىز ەر ادامنىڭ ءمايىتى تابىلعانى تۋرالى حابار تۇسكەن. ءمايىت دەنەسىندە زورلىق بەلگىلەرى بولعان. وقيعا ورنىنا كەلىپ جەتكەن پوليسيا مارقۇمنىڭ 24 جاستاعى جەرگىلىكتى تۇرعىن ەكەنىن انىقتاعان.
ىلە اۋدانىنىڭ پوليسيا وكىلدەرى قىلمىسقا قاتىسى بار كۇدىكتىنى ۇستاعان.
«كۇدىكتى قازا تاپقان ەر اداممەن بۇرىننان تانىس بولعانى انىقتالعان. ىشىمدىك ىشكەن ەكەۋى ءسوز تالاستىرىپ، ارالارىندا جانجال ورناعان. ناتيجەسىندە جانجال توبەلەسكە ۇلاسىپ، كىسى ءولىمى ورىن العان»-دەپ جازادى الماتى وبلىسىنىڭ ءىىب ءباسپاسوز-حاتشىلىعى.
تەرگەۋ كەزىندە قىلمىسكەردىڭ سوققىنى تۇرمىستىق پىشاقپەن جاساعاندىعى انىقتالعان. قازىرگى ۋاقىتتا وقيعاعا قاتىستى زەرتتەۋ جۇرگىزىلۋدە.
