بۇۇ باس حاتشىسى انتونيۋ گۋتەرريش ليۆياداعى ميگرانتتاردى ساتۋ جونىندەگى حابارلاماعا بايلانىستى نارازىلىعىن ءبىلدىردى،- دەپ Qamshy.kz اقپارات اگەنتتىگى قازاقپاراتقا سىلتەمە بەرىپ جازادى.
ول زاڭسىز ميگرانتتاردى قۇل رەتىندە ساتىپ جاتقان اۋكسيوننىڭ ۆيدەوسىن كورگەن.
«ءبىزدىڭ الەمىمىزدە قۇلدىققا ورىن جوق. ادام قۇقىعىن بۇزاتىن مۇنداي جان توزگىسىز ارەكەتتەر ادامگەرشىلىككە قارسى قىلمىس رەتىندە باعالانۋى مۇمكىن»، — دەدى بۇۇ باس حاتشىسى ۇيىمنىڭ نيۋ-يوركتەگى شتاب-پاتەرىندە جۋرناليستەرگە بەرگەن سۇحباتىندا.
ول مەملەكەتتى بۇۇ-نىڭ ترانسۇلتتىق ۇيىمداسقان قىلمىسقا قارسى كونۆەنسيالارىن ۇمىتپاۋعا جانە ونىڭ بارلىق تالاپتارىن بۇلجىتپاي ورىنداۋعا، سونداي-اق قازىرگى زامانعى قۇلدىق تۇرلەرىمەن كۇرەستە بىرىگۋگە شاقىردى.
بۇعان دەيىن امەريكالىق CNN ارناسى ليۆيا بازارىندا ەۋروپاعا وتۋگە ارەكەت جاساعان زاڭسىز كەلىمسەكتەردىڭ قۇل رەتىندە ساتىلىپ جاتقان ۆيدەوسىن جاريالاعان بولاتىن. ولاردىڭ بىرەۋى شامامەن 400 دوللارعا اۋىل شارۋاشىلىقتارىندا جۇمىس ىستەتۋ ماقساتىندا ساتىلعان.
