الماتىدا «پوەزيا قاعانى – 2017» پوەزيالىق دۋەلى وتەدى. 22 قاراشادا الماتى قالاسىندا ەرەكشە جىر كەشى وتپەك. «پوەزيا قاعانى – 2017» كوشپەلى پوەتيكالىق دۋەلدە الماتىلىق ۇزدىك جاس اقىن انىقتالادى.
جەڭىمپازدى قازاق پوەزيانىڭ ءىرى وكىلدەرى انىقتايدى. وعان بەرىلەتىن جۇلدە قورى دا قوماقتى - 250 000 تەڭگە. ەندەشە، كەسكىلەسكەن ۇرىس بولماققا كەرەك. بۇدان دا باسقا قىزىقتى جاڭالىعى كوپ وسىناۋ جىر كەشىنەن قاپى قالماڭىزدار!
ءدۇبىرلى كەش الاشوردانىڭ 100 جىلدىعىنا ارنالادى. الدىڭعى بۋىن اعالار مەن كەيىنگى بۋىن ىنىلەردىڭ دەنى وسى جيىننىڭ قوناقتارى بولادى. كەشتىڭ تىزگىنى - قازاقتىڭ اياۋلى اقىنى ەرلان جۇنىستە.
