رەسەيدىڭ قورشاعان ورتاعا باقىلاۋ جاساۋ جانە گيدرومەتەورولوگيا فەدەرالدىق قىزمەتى (روسگيدرومەت) رەسەي اۋماعىنداعى رادياسيالىق احۋال تۋرالى بيۋللەتەن جاريالادى، دەپ Qamshy.kz اقپارات اگەنتتىگى ازاتتىققا سىلتەمە بەرىپ جازادى.
وندا چەليابينسك وبلىسىنداعى "ماياك" ءوندىرىس بىرلەستىگى ايماعىنان ءجۇز كيلومەتر جەردە الىنعان سىنامادان راديواكتيۆتى رۋتەنيي-106 (Ru-106) تىركەلگەنى ايتىلعان.
بۇعان دەيىن فرانسيانىڭ يادرولىق جانە رادياسيالىق قاۋىپسىزدىك ينستيتۋتى (IRSN) ەۋروپا ۇستىنەن راديواكتيۆتى بۇلتتى انىقتاعاندارىن حابارلاعان. ينستيتۋت عالىمدارى رۋتەنيي-106 راديواكتيۆتى بۇلتى قازاقستاننان نە رەسەيدەن، انىعىراق ايتقاندا، ورال تاۋلارىنىڭ وڭتۇستىگى مەن چەليابينسك وبلىسىنان تاراۋى مۇمكىن ەكەنىن ايتقان.
قازاقستانداعى يادرولىق جانە رادياسيالىق قاۋىپسىزدىككە جانە ەكولوگياعا قاتىسى بار مەكەمەلەردىڭ وكىلدەرى رادياسيانىڭ قازاقستاننان تاراعانىن جوققا شىعارعان.
رەسەي بيلىگى دە رەسەي تەرريتورياسىندا قىركۇيەكتە راديواكتيۆتى نىسانداردا اپات بولعانىن نەمەسە راديواكتيۆتى زات تارالعانىن جوققا شىعارعان بولاتىن. ال "روساتوم" كومپانياسى رادياسيا ءوزىنىڭ كاسىپورنىنان شىعىپ جاتىر دەگەن تۇجىرىمدى "نەگىزسىز" دەپ اتاعان.
