بيىل يران مۇسىلماندارى ساۋد ارابياسىنا ۇمرا قاجىلىعىنا بارا المايتىن بولدى، دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.
يراننىڭ قاجىلىق دەپارتامەنتىنىڭ مالىمدەمەسى بويىنشا، بۇل جايتتىڭ ساياسي سەبەپتەرى بار، سونىمەن بىرگە يران مەن ساۋد ارابياسى اراسىنداعى كەلىسىمگە سايكەس كەلمەيدى.
«يران مۇسىلماندارى ءۇشىن كىشى قاجىلىق كەلىسىمىن جاڭارتۋ ءۇشىن قوسىمشا كەلىسىمدەر تالاپ ەتىلۋدە»، — دەيدى يراننىڭ قاجىلىق دەپارتامەنتىنىڭ جەتەكشىسى حاديد موحاممادي. سونىمەن بىرگە حاديد موحاممادي ساۋد ارابياسىمەن جۇرگىزىلگەن كەلىسىمدە ۇمرا قاجىلىعى قاراستىرىلماعانىن دا جەتكىزدى.
ايتا كەتەتىن بولساق، ءقازىر يران مەن ساۋد ارابياسىنىڭ قارىم-قاتىناسى شيەلەنىسىپ كەتكەن. بۇعان 2015 جىلى مينا جازىعىنداعى ادام ولىمىمەن اياقتالعان وقيعا سەبەپ بولىپ وتىر. بەيرەسمي دەرەكتەرگە سايكەس، قاجىلىق كەزىندە 2 مىڭنان استام ادام اياق استىندا تاپتالىپ قايتىس بولىپتى. سونىمەن بىرگە ولاردىڭ كوبىسى يران ازاماتتارى ەكەن.
