بۇگىن رەسەي پرەزيدەنتى پۋتين مەن اقش باسشىسى ترامپ تەلەفون ارقىلى سويلەسەدى، دەپ جازادى Qamshy.kz اقپارات اگەنتتىگى.
ۆلاديمير پۋتين رەسەي قارۋلى كۇشتەرىنىڭ باس شتابى مەن قورعانىس مينيسترلىگىنىڭ باسقارۋشى قۇرامىنا اسكەري قۇرىلىمداعى ماسەلەلەردى تالقىلاۋ ماقساتىندا سوچيگە بارعان سيريا پرەزيدەنتى باشار اسادتى تانىستىردى.
كەلىسسوزدەر بارىسىندا رەسەي مەن سيريا پرەزيدەنتتەرى تەرروريستەردى تىزە بۇكتىرگەننەن كەيىنگى سيرياداعى ساياسي جاعدايدى رەتتەۋ ماسەلەلەرىن تالقىلادى.
بۇل تۇرعىدا رەسەي تۇركيا، يران، يراك، اقش، مىسىر، ساۋد ارابياسى جانە يوردانيا ەلدەرىمەن بىرلەسىپ بەلسەندى جۇمىستار اتقارۋدا.
پۋتين سەرىكتەستەرىمەن ءجيى بايلانىستا ەكەنىن ايتا كەتىپ، اقش پرەزيدەنتى ترامپپەن تەلەفون ارقىلى سويلەسەتىنىن مالىمدەدى. ونداعى تالقىلاناتىن ماسەلە – سيرياداعى جاعدايدى رەتتەۋ، قالپىنا كەلتىرۋ.
ەسكە سالا كەتەيىك، پۋتين مەن اسادتىڭ كەلىسسوزدەرى 20 قاراشادا سوچي قالاسىندا وتكەن.
