قازاقستانعا «بورات» ءفيلمى ارقىلى تانىلعان بريتاندىق كومەديا جانرىنىڭ ءارتىسى، اكتەر ساشا بارون كوەن قازاقستانعا چەحيادان كەلگەن تۋريستەردى قولدايتىنىن ايتتى، دەپ Qamshy.kz اقپارات اگەنتتىگى kazpress-كە سىلتەمە بەرىپ جازادى. 

ەسكە سالا كەتسەك، چەحيالىق تۋريستەر 10 قاراشادا استانادا ەكسپو اۆتوتۇراعىنداعى "I love Astana" جازۋىنىڭ الدىندا «بوراتتىڭ شومىلۋ كيىمى» اتالىپ كەتكەن كيىمدە جارتىلاي جالاڭاشتانىپ سۋرەتكە تۇسكەن.

بۇل وقيعا جونىندە اكتەر جاڭالىقتاردان ەستىگەن. ەستي سالىسىمەن، الەۋمەتتىك جەلىگە جازبا قالدىردى، وندا:

«ءوزىمنىڭ قاماۋعا الىنعان چەحيالىق دوستارىما ايتارىم، ماعان جەكە مالىمەتتەرىڭىزدى بەرسەڭىزدەر، مەن ايىپپۇلدى تولەيمىن»،-دەپ جازعان كوەن.

مۇنى جۇزەگە اسىرۋ ءۇشىن ول ەرەكشە پوشتا قۇرىپ قويدى، ول arrestedforwearingyourmankini@gmail.com («مانكيني كيگەنى ءۇشىن سوتتالعاندار») دەپ اتالادى.

مايدا زاڭ بۇزۋشىلىقتار رەتىندە تانىلعان بۇل ايىپ ءۇشىن سوت وتىرىسى ءوتىپ كەتتى. چەحيالىق تۋريستەرگە تاعىلعان ايىپپۇل كولەمى 22 690 تەڭگەنى قۇراعان. قامالعان شەتەلدىكتەر ونى وتەپ، ەلدەرىنە قايتىپ كەتكەن.