ساۋد ارابياسىندا تۇتقىندالعان مەملەكەت وكىلدەرى، ونىڭ ىشىندە حانزادالار جاۋاپ الۋ بارىسىندا ازاپتالىپ جاتىر. بۇل تۋرالى ريا نوۆوستي ءمالىم ەتتى، دەپ حابارلايدى Qamshy.kz اقپارات اگەنتتىگى.

«ولاردى ۇرىپ، ازاپتاپ جاتىر، قورلاپ جاتىر. ەركىندىگىن تەجەۋگە تىرىسىپ باعۋدا»، - دەپ حابارلادى ەسىمىنىڭ بەلگىسىز بولۋىن قالاعان بىرەۋ باسىلىمعا.    

ايتا كەتەيىك، قاراشانىڭ باسىندا ساۋد ارابياسىندا جەمقورلىقپەن كۇرەس كوميتەتى ەلدىڭ 40 ىقپالدى ازاماتىن – كورولدىك وتباسى مۇشەلەرىن، بۇرىنعى مينيسترلەردى، اسكەريلەر مەن ءىرى كاسىپكەرلەردى ۇستاۋعا بۇيرىق العان. العاشقى جەمقورلىققا قارسى كامپانيا اياسىن تەرگەۋ بارىسىندا 100 ميلليارد دوللارعا جۋىق جەمقورلىق ارەكەتتەر انىقتالعان.

باسىلىمنىڭ مالىمەتىنشە، ازاپتاۋعا Blackwater جەكە اسكەري كومپانياسىنىڭ مۇراگەرى سانالاتىن امەريكالىق Acadtmi قاۋىپىسزدىك كومپانياسىنىڭ قاتىسى بار. الايدا Academi وكىلى مۇنى جوققا شىعاردى.

ال تەرگەۋگە ساۋد ارابياسىنىڭ تاق مۇراگەرى مۇحاممەد بەن سالمان ءال ساۋدتىڭ ءوزى قاتىسۋى مۇمكىن ەكەنى حابارلاندى. وسىلايشا مۇحاممەد بەن سالمان حانزادالاردان پارا العان شەتەلدىك شەنەۋنىكتەردىڭ بولجامدى جەلىسىن انىقتاماق.

باسىلىمنىڭ حابارلاۋىنشا، بانك ەسەپشوتىنان 194 ميلليارد دوللار تاركىلەنگەن.