وقو اكىمى جانسەيىت تۇيمەبايەۆ قازىعۇرت اۋدانىنداعى كوپ قاباتتى تۇرعىن ۇيلەردىڭ جاعدايىمەن تانىسىپ قايتتى. اۋدان ورتالىق كارىز جۇيەسىنە قوسىلماعاندىقتان تۇرعىنداردىڭ ءارقايىسىسى جەكە-جەكە دارەتحانا سالۋعا ءماجبۇر بولعان. وبلىس اكىمى ونداي دارەتحانانىڭ 18 ەكەنىن بايقادى.
«بۇل نە ماسقارا؟ نە دەگەن تارتىپسىزدىك؟ مادەنيەتتىلىك پەن تاربيە وسىنداي ۇساق-تۇيەك دۇنيەلەردەن باستالادى! ءبىر شارا قولدانۋ كەرەك!»، - دەدى اكىم.
وسىلايشا تۇيمەبايەۆ اۋلاداعى قۇرىلىستى بۇزىپ، ءبىر مودۋلدىك دارەتحانا سالۋدى تاپسىردى. ال بوس قالعان ايماققا بالالار الاڭىن سالۋعا بولاتىنىن ايتتى.
