ءۇندىستاننىڭ گوا قالاسىندا قازاقستاندىق بولۋى مۇمكىن ايەلدى تۇتقىندادى، — دەپ حابارلايدى Qamshy.kz اقپارات اگەنتتىگى.

«35 جاستاعى ايەلدىڭ ۆيزاسى جارامسىز بولىپ، ءۇندىستاندا زاڭسىز جۇرگەنى ءۇشىن تۇتقىندالدى»،  — دەپ جازعان جەرگىلىكتى ب ا ق وكىلى.

نايليا پيلتس گوا قالاسىندا جارامسىز ۆيزامەن نەمەسە شەتەلدىك قۇجاتپەن جۇرگەن. وسى جايتقا قاتىستى قىلمىستىق ءىس قوزعالدى، تەكسەرۋ جۇمىستارى جۇرگىزىلىپ جاتىر. سونىمەن بىرگە ازاماتشانىڭ سوڭعى 2 جىل بويى ءۇندىستاندا جاسىرىن جۇرگەنى بەلگىلى بولدى. جاقىن ارادا نايليا پيلتسكە قاتىستى سوت ءىسى باستالادى.  

جەرگىلىكتى پوليسيا قىزمەتكەرىنىڭ مالىمەتى بويىنشا، ازاماتشا سولتۇستىك گواداعى اتاقتى ءارى ءىرى قالانىڭ ءبىرى كالانگۋتتا تۇرعان.

«وسى جايتقا قاتىستى قازاقستان ءۇندىستاننىڭ قۇقىق قورعاۋ ورگانىمەن بايلانىس ورناتتى. الايدا تۇتقىندالعان ايەلدىڭ ءتولقۇجاتى بولماعاندىقتان قازاقستان ازاماتشاسى ەكەنى دالەلدەنبەدى. بۇل ايەل ەلشىلىكتە دە تىركەلمەگەن. ءقازىر بۇل اقپاراتتىڭ دۇرىس بۇرىستىعى تەكسەرىلىپ جاتىر»، — دەپ مالىمدەدى ق ر ءسىم وكىلى انۋار جايناقوۆ.